Сеткавае выданне zviazda.by

На чале народных выбраннікаў Шчучыншчыны вось ужо сёмы год знаходзіцца вопытны кіраўнік з больш як 30-гадовым стажам дзяржслужбы, дэпутат раённага Савета пяці скліканняў. Для старшыні Шчучынскага раённага Савета дэпутатаў Ганны ХВЯДЗЮК служэнне Радзіме, людзям, якія аказалі ёй высокі давер, — яе жыццёвая місія. Старшыня райсавета перакананая, што без каманды патрыётаў і прафесіяналаў дасягнуць значнага выніку нельга, а таму толькі сумеснымі намаганнямі выканаўчай і прадстаўнічай улады можна рухацца наперад.

З пачатку года ў Беларусі адбылося 2179 пажараў, і гэта на 37 % надзвычайных выпадкаў больш у параўнанні з аналагічным перыядам мінулага года. Статыстыка сведчыць і аб негатыўнай тэндэнцыі росту загінулых на пажарах. Па стане на 10 красавіка, ахвярамі агню сталі 230 чалавек, у тым ліку дзіця (трагедыя адбылася ў Лунінецкім раёне).

У полі зроку дэпутацкага корпусу — і механізмы дзяржаўнай падтрымкі пры жыллёвым будаўніцтве, горадабудаўнічае забеспячэнне ажыццяўлення рэнавацый у краіне. Асобная ўвага ўдзелена новаўвядзенням у жыллёвым заканадаўстве. Сярод іх — прадастаўленне арэнднага жылля прадстаўнікам найбольш запатрабаваных прафесій, набыццё жылых памяшканняў дзяржаўнага жыллёвага фонду ў сельскай мясцовасці. На семінары-нарадзе разгледжаны кірункі ўдасканалення нарматыўнай прававой базы ў гэтай сферы.

Саміт, у якім у тым ліку прымае ўдзел беларуская дэлегацыя, праходзіць у эмірацкім горадзе Абу-Дабі. Міністр талерантнасці і суіснавання ААЭ шэйх Нах’ян бін Мубарак аль-Нахайян падкрэсліў узрастаючую ролю саміту як пляцоўкі аднадумцаў у дасягненні ўстойлівасці міжнароднай супольнасці да крызісаў.

Шэраг задач, якія Старшыня Палаты прадстаўнікоў Ігар Сергяенка паставіў перад парламентарыямі і супрацоўнікамі Сакратарыята Палаты прадстаўнікоў, звязаны з узмацненнем выканальніцкай дысцыпліны (у адпаведнасці з Дырэктывай Прэзідэнта № 11). Акрамя таго, абмеркаваны прапановы аб абнаўленні Дырэктывы Прэзідэнта ад 31 снежня 2010 года № 4 «Аб развіцці прадпрымальніцкай ініцыятывы і стымуляванні дзелавой актыўнасці ў Рэспубліцы Беларусь». Асобная ўвага на пасяджэнні была нададзена вывучэнню практыкі прымянення заканадаўства і ўзаемадзеяння з мясцовымі органамі ўлады, стварэнню Маладзёжнага савета пры Палаце прадстаўнікоў. Падрабязна абмеркаваны мерапрыемствы з удзелам дэпутатаў як унутры краіны, так і на знешнім контуры.

Форум, у якім, як плануецца, возьмуць удзел прэзідэнты Беларусі і Расіі, адбудзецца ў канцы красавіка ў Валгаградзе. Колішні Сталінград па праве лічыцца горадам-сімвалам Вялікай Перамогі: тут адбылася легендарная бітва, якая змяніла ход Вялікай Айчыннай вайны. Па колькасці беззваротных страт Сталінградская бітва стала адной з самых крывавых у гісторыі чалавецтва. Тут савецкі народ даказаў усяму свету, што перамагчы яго немагчыма. Аб гэтым, ужо праз 80 гадоў, будуць казаць і нашчадкі пераможцаў, якія свята захоўваюць памяць аб тых падзеях.

Інфармацыя аб штомесячным правядзенні асабістага прыёму грамадзян спікерам у Палаце прадстаўнікоў загадзя размяшчаецца ў сродках масавай інфармацыі. Заяўнік павінен быць гатовым да таго, што ў ходзе папярэдняга запісу па тэлефоне ў яго папросяць удакладніць сутнасць пытання, з якім ён плануе звярнуцца да Ігара Сергяенкі. Гэта робіцца для таго, каб вызначыць кола спецыялістаў, якіх патрэбна будзе задзейнічаць падчас вырашэння таго ці іншага пытання. Дзякуючы папярэдняй рабоце, нярэдка нават на гэтым этапе знімаецца праблема, з якой чалавек змагаўся на працягу многіх гадоў.

У адпаведнасці з Указам Прэзідэнта № 96 ад 6 сакавіка «Аб звальненні ў запас і прызыве на тэрміновую ваенную службу, службу ў рэзерве», у сакавіку — маі 2025 года на тэрміновую ваенную службу, службу ў рэзерве прызываюцца грамадзяне Беларусі мужчынскага полу, якім да дня прызыву споўнілася 18 гадоў і якія не маюць права на адтэрміноўку ад прызыву.

Беларусь стала першай краінай свету, якая стварыла музей, прысвечаны падзеям Вялікай Айчыннай вайны. Прычым экспанаты пачалі збіраць у адзін з найцяжэйшых перыядаў — калі беларусы знаходзіліся пад акупацыяй. Па прадметы ваеннага часу, якія пасля сталі рэліквіяй, музейныя супрацоўнікі выязджалі ў франтавую зону, партызанскія злучэнні, на эвакуяваныя ў савецкі тыл беларускія прадпрыемствы. У рэспубліканскую камісію, якая займалася зборам экспазіцыі. Свае рэчы, баявыя трафеі прыносілі ўдзельнікі і відавочцы тых падзей.

Беспілотныя лятальныя апараты сталі неад’емнай часткай нашага жыцця. Іх эфектыўнасць у розных сферах відавочная. У органах унутраных спраў беспілотнікі актыўна выкарыстоўваюцца пры затрыманні злачынцаў, фіксацыі парушэнняў Правілаў дарожнага руху, пошуку людзей, кантролі за абстаноўкай на вуліцах, пры выкананні спецыяльных задач. Навучанню кіраваць дронамі ўдзяляецца асаблівая ўвага: чым раней міліцыянер авалодае гэтымі каштоўнымі навыкамі, тым больш аператыўна і паспяхова ён будзе вырашаць задачы па забеспячэнні правапарадку, гарантаванні бяспекі грамадзян.