Навiны
Створаны Апеляцыйны эканамічны суд. Судова-прававая рэформа краіны — на завяршальным этапе
Прэзідэнт Беларусі Аляксандр Лукашэнка 3 красавіка падпісаў указ нумар 141 аб утварэнні Апеляцыйнага эканамічнага суда, паведамілі ў прэс-службе беларускага лідара.
Не з’явіўся ў ваенкамат — адкажаш па законе
У адпаведнасці з Указам Прэзідэнта № 96 ад 6 сакавіка «Аб звальненні ў запас і прызыве на тэрміновую ваенную службу, службу ў рэзерве», у сакавіку — маі 2025 года на тэрміновую ваенную службу, службу ў рэзерве прызываюцца грамадзяне Беларусі мужчынскага полу, якім да дня прызыву споўнілася 18 гадоў і якія не маюць права на адтэрміноўку ад прызыву. Гэта датычыцца і грамадзян прызыўнога ўзросту, якія страцілі права на адтэрміноўку. На службу ў рэзерве прызываюцца грамадзяне з ліку студэнтаў 1 курса ўстаноў вышэйшай адукацыі сельскагаспадарчага профілю, якія маюць адтэрміноўку ад прызыву для працягу адукацыі, але выказалі жаданне прайсці такую службу.
Другія парламенцкія чытанні прайшлі ў Беларускім дзяржаўным музеі гісторыі Вялікай Айчыннай вайны
Іх тэма — «Партызанскі рух і падпольная барацьба ў Беларусі: гераізм і стойкасць народа ў імя Перамогі». Даклады, заслуханыя падчас чытанняў, расказваюць аб асаблівасцях падпольнай работы на Міншчыне, сведчаць аб подзвігу народных мсціўцаў на тэрыторыі Гомельскай вобласці, знаёмяць з гераічнымі ўчынкамі юных падпольшчыкаў, якія заплацілі за Перамогу самым каштоўным — уласным жыццём. Сімвалічна, што пра гэта даведаліся і навучэнцы Ліцэя імя Ф. Э. Дзяржынскага Беларускага дзяржаўнага ўніверсітэта, якія разам з парламентарыямі прысутнічалі на чытаннях. Найперш усе ўдзельнікі парламенцкіх чытанняў азнаёміліся з унікальнай музейнай экспазіцыяй.
На прынцыпах адказнасці, добрасуседства і мірнага суіснавання
Мерапрыемства, прысвечанае 85-годдзю ўтварэння Акадэміі нацыянальнай бяспекі Беларусі, адбылося ў Нацыянальнай акадэміі навук. Эксперты і спецыялісты абмеркавалі шырокі спектр актуальных пытанняў, падзяліліся вопытам і падыходамі, якія датычацца розных сфер гарантавання бяспекі.
Дэпутаты прынялі змяненні ў заканадаўства аб рыэлтарскай дзейнасці
Адкрываючы чарговае пасяджэнне другой сесіі Палаты прадстаўнікоў, Старшыня Палаты прадстаўнікоў Ігар Сергяенка нагадаў, што 25 сакавіка дэпутаты сталі сведкамі і ўдзельнікамі падзеі гістарычнай значнасці. Інаўгурацыя Прэзідэнта Рэспублікі, па яго словах, азнаменавала сабой завяршэнне працэсу маштабных грамадска-палітычных пераўтварэнняў — краіна ўступіла ў новы этап свайго развіцця.
З удзелам Наталлі Качанавай абмеркавалі магчымасць стварэння ў Мінску тэхнапарка лёгкай прамысловасці
Мяркуецца, што тэхнапарк, які аб’яднае і буйныя, і невялікія вытворчасці, з’явіцца на базе ААТ «Прамень» — кіруючая кампанія холдынга «Абутак — «Прамень». Менавіта тут і прайшла рабочая сустрэча Старшыні Савета Рэспублікі, упаўнаважанага прадстаўніка Прэзідэнта па горадзе Мінску з кіраўніцтвам горада, «Беллегпрама», фабрыкі.
Качанава прыняла ўдзел у 13-й сесіі Гродзенскага абласнога Савета дэпутатаў 29 склікання
На парадак дня былі вынесены пытанні рэалізацыі рэгіянальнага комплексу мерапрыемстваў Дзяржаўнай праграмы «Сацыяльная абарона» на 2021 — 2025 гады ў мінулым годзе, задачы на бягучы год. Згодна са сваім рэгламентам, Савет Рэспублікі каардынуе работу дэпутацкага корпуса ўсёй краіны, прымае меры па развіцці самакіравання.
Дэлегацыя МУС прыняла ўдзел у рэспубліканскай акцыі «Дай лесу новае жыццё!»
Марафон добрых спраў, накіраваны на аднаўленне зялёных насаджэнняў пасля леташняга ўрагану, стартаваў 21 сакавіка і працягнецца па 12 красавіка. Сімвалічна, што сёлетняя акцыя праходзіць у Год добраўпарадкавання. Па традыцыі ініцыятыву актыўна падхапілі супрацоўнікі органаў унутраных спраў і вайскоўцы ўнутраных войскаў.
Выбраны Прэзідэнт Рэспублікі Беларусь урачыста заступіў на пасаду
Гісторыя суверэннай Беларусі папоўнілася яшчэ адной знакавай падзеяй — цырымонія заступлення на пасаду зноў выбранага Прэзідэнта Беларусі прайшла ў Палацы Незалежнасці. Гэтую падзею разам са сваім лідарам пражыла ўся краіна. Аляксандр Лукашэнка прыехаў на інаўгурацыю па двух галоўных сталічных праспектах — Незалежнасці і Пераможцаў. Картэж беларускага лідара на вуліцах горада цёпла сустракалі мінчане і госці сталіцы.
«Eсць разуменне таго, што мы робім агульную справу»
Тыдзень работы, які штомесяц дэпутаты Палаты прадстаўнікоў праводзяць у сваёй выбарчай акрузе, плануецца загадзя, каб правесці гэты перыяд з максімальнай карысцю. Для члена Пастаяннай камісіі па міжнародных справах Палаты прадстаўнікоў, дэпутата па выбарчай Лідскай акрузе № 55 Кацярыны СЕРАФІНОВІЧ работа ў сваім раёне — гэта магчымасць не толькі праінфармаваць мясцовыя органы ўлады, грамадзян аб канкрэтных заканадаўчых рашэннях, але і параіцца з людзьмі наконт таго, ці патрэбны тыя ці іншыя змяненні, ці актуальныя яны на месцах. Безумоўна, не абыходзіцца і без прамых кантактаў з насельніцтвам: людзі давяраюць дэпутатам, а таму ідуць да іх са сваімі пытаннямі і праблемамі.
