Сеткавае выданне zviazda.by

Авен. На гэтым тыдні, падтрымліваючы адносіны з калегамі, не будзьце занадта шчырыя. Асабістае жыццё няхай застанецца ў цені. У сярэдзіне тыдня магчымая камандзіроўка, вынікі якой станоўча адаб’юцца на вашым службовым прасоўванні. Калі вы задумалі рамонт ці куплю новай машыны, то неабходна ўсё прадумаць і пралічыць выдаткі загадзя.

Пастанова ўрада № 65 ад 3 лютага не толькі ўстанаўлівае аб’ёмы будаўніцтва і фінансавання жылля, але і прадугледжвае меры для развіцця жыллёвага будаўніцтва ў населеных пунктах да 20 тыс. і забеспячэння жыллём іх чаргавікоў. Пра тое, што менавіта мяняецца для жадаючых пабудаваць або купіць жыллё, расказалі ў Міністэрстве архітэктуры і будаўніцтва.

На Гомельшчыне, малой радзіме Івана Навуменкі, знаўцаў мастацкага слова ў чарговы раз аб’ядналі міжнародныя навуковыя чытанні «Рэгіянальнае, нацыянальнае і агульначалавечае ў славянскіх літаратурах». Навуковы форум, прысвечаны памяці народнага пісьменніка Беларусі, прайшоў у Гомельскім дзяржаўным ўніверсітэце імя Ф. Скарыны.

Тыдзень мужчынскай моды — гэта не толькі тэрыторыя мужчынскіх касцюмаў і строгіх ліній. Гэта скарбніца натхнення і нечаканых стылістычных рашэнняў, якія лёгка адаптаваць у жаночы гардэроб, дадаўшы вастрыні і свежасці звыклым вобразам. Мы пільна праглядзелі апошнія трэнды з мужчынскіх паказаў і вылучылі самыя цікавыя прыёмы, якія дапамогуць вам выглядаць бездакорна, гуляючы з гендэрнымі межамі і ствараючы ультрамодныя вобразы.

Моладзь — галоўны рэсурс дэмаграфічнай бяспекі любой краіны. Ад таго, наколькі хлопцы і дзяўчаты гатовыя да стварэння сям’і, залежыць устойлівае развіццё краіны. Разам з тым маладая сям’я — вельмі ўразлівая катэгорыя, якая ў нашай дзяржаве можа разлічваць на ўсебаковую падтрымку. Якая сям’я ў нашай краіне лічыцца маладой, якія льготы, субсідыі і дапамогі ёй належаць, расказала начальнік упраўлення народанасельніцтва, гендарнай і сямейнай палітыкі Міністэрства працы і сацыяльнай абароны Святлана Белаш.

Сёлетняя анамальна цёплая зіма, а цяпер яшчэ і добрыя замаразкі амаль без снегу — тэма не толькі дзяжурных размоў аб надвор’і. Ці будзем з ураджаем? — вось важнае і для краіны, і, бадай, для кожнага асобна ўзятага яе жыхара пытанне. І калі для асобнай прыватнай гаспадаркі яно не крытычнае, дык у маштабах дзяржавы — гэта адзін з найважнейшых складнікаў харчовай бяспекі і экспартнага патэнцыялу, якія, у сваю чаргу, адны з галоўных умоў захавання суверэнітэту і незалежнасці. Нездарма нават падчас урачыстай цырымоніі ўручэння дыпломаў доктара навук і атэстатаў прафесара, якая прайшла нядаўна ў Палацы Незалежнасці, Прэзідэнт цікавіўся ў вучоных, якія наступствы могуць быць на азімых пасевах у сувязі з неверагодна цёплай зімой. Тыя запэўнілі кіраўніка дзяржавы, што хвалявацца пакуль асаблівых нагод няма.

Рабочы графік Прэзідэнта штотыдзень надзвычай насычаны. І тэмы, якім кіраўнік дзяржавы надае пільную ўвагу, самыя разнастайныя: эканоміка, бяспека, сацыяльная сфера, прамысловасць, грамадска-палітычная абстаноўка і многае іншае. Кожную тэму Аляксандр Лукашэнка вывучае дэталёва, абавязкова робіць акцэнт на праблемах, але і не забывае пра станоўчыя моманты. Ацэнкі Прэзідэнта заўсёды трапныя і змястоўныя. А даручэнні і парады — канкрэтныя.

Раённае свята «Дзень кнігі» адбылося ў Гімназіі горада Дзяржынска. Арганізатарам фестываля, які прыцягнуў увагу сотняў школьнікаў (і нават дашкольнікаў!) і іх бацькоў, усіх кіраўнікоў устаноў адукацыі Дзяржыншчыны, стала ўпраўленне па адукацыі, спорту і турызму Дзяржынскага райвыканкама.

Штогод у Беларусь прыязджае вялікая колькасць жыхароў іншых краін не толькі для адпачынку і падарожжаў, але і для атрымання медыцынскай дапамогі. Летась Беларусь наведала больш за 160 тысяч грамадзян са 159 краін свету. Часцей за ўсё па лініі медыцынскага турызму да нас прыязджаюць грамадзяне Расіі, Кітая, Казахстана, Узбекістана, Туркменістана, Малдовы, Арменіі, Грузіі, Сірыі, Германіі, ЗША, Ізраіля, Італіі. Больш як 60 % ад усіх замежных пацыентаў прыпадае на грамадзян СНД. Рост экспарту медыцынскіх паслуг па выніках 2024 года склаў 10 %. Замежнікаў прывабліваюць не толькі цэны, але і якасць медыцынскіх паслуг. Часта пацыенты прыязджаюць на лячэнне да канкрэтных беларускіх спецыялістаў з кваліфікацыяй сусветнага ўзроўню. Чым яшчэ адметная і прывабная Беларусь для лячэння і санаторна-курортнага аздараўлення і хто ён, медыцынскі турыст, які едзе ў нашу краіну, расказалі спецыялісты.

Апошнім часам сярод маладых кітайцаў набірае папулярнасць незвычайны трэнд — размяшчэнне вясельных аб’яў у газетах. Гэтая традыцыя, папулярная ў 20-30-х гадах мінулага стагоддзі, нечакана адрадзілася ў эпоху лічбавых тэхналогій, перадае «Жэньмінь жыбаа» анлайн».