Сеткавае выданне zviazda.by

Нацыянальную стратэгію ўстойлівага развіцця да 2040 года разгледзелі сёння, 5 лютага, у Доме ўрада на пасяджэнні Прэзідыума Саўміна.

Пытанні, з якімі людзі звяртаюцца ў дзяржаўныя органы ўлады, традыцыйна шматпланавыя. Адметна, што ў Палату прадстаўнікоў людзі прыходзяць не толькі з уласнай праблемай або калектыўнай скаргай, а ставяць пытанне больш шырока, уносячы прапановы па ўдасканаленні заканадаўства.

Уладальнікам 2,5-мільённага сертыфіката ЭЛП стаў 25-гадовы індывідуальны прадпрымальнік Яўген Марчанка. Такія сертыфікаты выдаюцца ў Беларусі з 1 ліпеня 2014 года, штодня іх колькасць павялічваецца ў сярэднім на 1,5 тыс. адзінак.

Навіна аб тым, што ўжо ў наступным месяцы можа быць падпісаны ўказ кіраўніка дзяржавы аб паўнамоцтвах і кампетэнцыях
кіраўнікоў базавых выканкамаў, стала без перабольшвання рэзананснай. Гэта тэма ўжо неаднойчы абмяркоўвалася, нават на ўзроўні Усебеларускага народнага сходу. У чацвер на адпаведнай нарадзе Прэзідэнт расставіў усе акцэнты, галоўныя з якіх: гэта патрэбна для нармальнага функцыянавання і развіцця інстытута дзяржавы, кіраўнік рай- або гарвыканкама павінен быць на сваёй тэрыторыі гаспадаром, з якога строга пытаюць, але які мае права гэтаксама строга спытаць з іншых.

Узмацніць паўнамоцтвы ўлады на месцах вырашана ўказам Прэзідэнта Беларусі. Дакумент можа быць падпісаны ўжо да 1 сакавіка. Аб гэтым заявіў журналістам кіраўнік Адміністрацыі Прэзідэнта Беларусі Дзмітрый Крутой, падводзячы вынікі тэматычнай нарады ў кіраўніка дзяржавы па пытаннях удасканалення прававога рэгулявання статусу старшыні выканкама базавага ўзроўню, перадае БелТА.

Прэзідэнт Беларусі Аляксандр Лукашэнка 5 лютага падпісаў указ № 49, якім зацверджана Дзяржаўная інвестыцыйная праграма на 2025 год. Пра гэта паведамілі ў прэс-службе беларускага лідара.

Гэту тэму кіраўнік дзяржавы ўзнімаў яшчэ падчас рабочай паездкі ў Шклоў у жніўні. Пытанні, якія абмяркоўваліся на нарадзе па пытаннях эфектыўнага развіцця сельскагаспадарчай вытворчасці Шклоўскага і Аршанскага раёнаў, датычыліся не толькі гэтых раёнаў, а ў цэлым мясцовай вертыкалі ўсёй краіны. Кажучы аб далейшым рэфармаванні сельскай гаспадаркі, Прэзідэнт адзначаў, што трэба ўдзяліць ўвагу ролі старшынь райвыканкамаў, нарматыўна-прававому рэгуляванню іх дзейнасці, дакладнаму разуменню паўнамоцтваў. Аляксандр Лукашэнка тлумачыў, што гэта неабходна для таго, каб дакладна разумець, што і ад каго могуць патрабаваць старшыні выканкамаў. Акрамя таго, прававое рэгуляванне паўнамоцтваў гэтай катэгорыі службовых асоб, па яго словах, дазволіць пазбегнуць спрэчак наконт ведамаснай падпарадкаванасці і межаў кампетэнцыі.

У Мінску прайшло пасяджэнне Каардынацыйнага камітэта па рэалізацыі праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця». Удзельнікі пасяджэння прааналізавалі і ацанілі інфармацыю аб выніках дзейнасці праекта за 2024 год у цэлым і пазначылі перспектывы на 2025 год.

Найперш Аляксандр Лукашэнка выказаў удзячнасць давераным асобам за падтрымку, якую яны аказалі кіраўніку дзяржавы падчас правядзення выбараў, і папрасіў іх працягваць працаваць з насельніцтвам. Асаблівыя словы падзякі прагучалі ў адрас людзей. «Беларускі народ павінен ведаць, што мы будзем імкнуцца рабіць усё для таго, каб людзі не пашкадавалі, што прагаласавалі за нас», — падкрэсліў Прэзідэнт.

Прэзідэнт коратка папрасіў Андрэя Шведа праінфармаваць аб крымінагеннай сітуацыі ў краіне (кіраўнік дзяржавы рэгулярна атрымлівае гэтую інфармацыю), у цэлым аб выніках работы органаў пракуратуры ў мінулым годзе. Акрамя таго, беларускі лідар пацікавіўся сітуацыяй з карупцыйнымі злачынствамі, меркаваннем пракурорскіх работнікаў аб нядаўняй электаральнай кампанііз пункту гледжання законнасці. Таксама ў Палацы Незалежнасці ішла размова аб тым, ці варта працягваць работу Камісіі па разглядзе зваротаў грамадзян Рэспублікі Беларусь, якія знаходзяцца за мяжой, па пытаннях здзяйснення імі правапарушэнняў. Абмяркоўвалася падрыхтоўка да нарады з сілавым блокам.