Сеткавае выданне zviazda.by

У правілах дзяржрэгістрацыі маёмасці — шэраг навацый. Закон «Аб змяненні законаў па пытаннях дзяржаўнай рэгістрацыі нерухомай маёмасці, правоў на яе і здзелак з ёю» ўступіў у дзеянне. Цяпер дзяржрэгістрацыя становіцца для грамадзян больш гнуткай і спрошчанай, менш бюракратызаванай і, натуральна, больш тэхналагічнай. Расказваем, што змянілася.

Небяспеку высокага ціску часта недаацэньваюць. Але нездарма ж артэрыяльную гіпертэнзію называюць «ціхім забойцам». На пачатковых этапах яе не заўважаюць, а менавіта ў гэты перыяд можна было б узяць паталогію пад кантроль і зменшыць рызыкі ўскладненняў. Чаму артэрыяльную гіпертэнзію абавязкова лячыць і якіх памылак пазбягаць пры гэтым, расказала загадчык раённага кардыялагічнага цэнтра 6-й Цэнтральнай раённай клінічнай паліклінікі Ленінскага раёна Мінска Таццяна Кузьміч.

Усё больш замежных студэнтаў імкнуцца атрымаць медыцынскую адукацыю ў нашай краіне. Калі яшчэ пяць гадоў таму іх колькасць не перавышала тры тысячы чалавек, то сёння ў беларускіх медыцынскіх універсітэтах вучацца пяць тысяч замежнікаў. Галоўны складнік якаснай адукацыі — яе практыкаарыентаванасць, чым наша краіна выгадна адрозніваецца ад суседак. Расказваем, чым яшчэ прываблівае медыцынская адукацыя замежнікаў і чаму яны застаюцца працаваць у нашай краіне, а таксама па якіх прычынах замацаванне кадраў у медыцыне — адно з самых высокіх.

Беларускія халадзільнікі «Атлант» ведаюць спажыўцы ў больш чым 30 краінах свету. І, як прызнаюцца на прадпрыемстве, галоўная ўзнагарода — тое, што пакупнікі рублём галасуюць за іх бытавую тэхніку. Сакрэт жа поспеху на рынку — у нязменна высокай якасці прадукцыі. Прадпрыемства — неаднаразовы лаўрэат Прэміі Урада Рэспублікі Беларусь у галіне якасці. Клопат пра яе пачынаецца нават не на этапе ўваходнага кантролю сыравіны, а нашмат раней — за год-два да таго, як выраб паступіць у серыйную вытворчасць, яшчэ падчас стварэння новага вырабу. Праводзіцца і комплексная цэнавая палітыка, каб бытавая тэхніка не атрымалася занадта дарагой. Як ЗАТ «Атлант» ужо на працягу больш як шасці дзесяцігоддзяў атрымліваецца вырабляць якасны прадукт, паглядзелі карэспандэнты «Звязды».

Першы летні месяц прысвечаны гісторыка-культурнаму турызму. Замкі, палацы, музеі, сядзібы рыхтуюць шэраг праектаў і праграм для наведвальнікаў. Дарэчы, па выніках мінулага года ў топ-3 па наведвальнасці ўвайшлі мемарыяльны комплекс «Брэсцкая крэпасць-герой», Беларускі дзяржаўны музей гісторыі Вялікай Айчыннай вайны і Дзяржаўны мемарыяльны комплекс «Хатынь». Тэма патрыятычнага выхавання, 80-годдзя Вялікай Перамогі захоўвае лідарскія пазіцыі і сёлета. У першым квартале таксама найбольш запатрабаванымі для наведвання былі музеі ваеннай тэматыкі.

Штогод у РНПЦ пульманалогіі і фтызіятрыі каля 3 тысяч чалавек атрымліваюць стацыянарную дапамогу, каля 10 тысяч — у амбулаторных умовах.

З мая ўзмоцнена сацыяльная падтрымка некаторых уразлівых катэгорый насельніцтва. Змяненні датычацца аздараўлення і санаторна-курортнага лячэння. Цяпер, напрыклад, бясплатна яго могуць праходзіць беларусы, якія ваявалі ў Афганістане, а таксама былыя вязні фашызму. Некаторыя катэгорыі могуць скарыстацца кампенсацыяй, калі не пройдуць аздараўленне. Расказваем, што змянілася.

Рэспубліканскі праект пад назвай «Дапамога ветэрану — памяць у дзеянні» накіраваны ў першую чаргу на аказанне адраснай дапамогі ветэранам галіны і ўдзельнікам аднаўлення краіны пасля Вялікай Айчыннай вайны.

У Беларусі дзяржава ўдзяляе вялікую ўвагу аздараўленню — як дзяцей, так і дарослых. Толькі летась на тых, хто мае патрэбу ў санаторна-курортным лячэнні, было выдаткавана каля 252 мільёнаў рублёў. Дзякуючы гэтаму бясплатнымі пуцёўкамі, а таксама пуцёўкамі з датацыямі было забяспечана 807 тысяч чалавек. Прыярытэтам у аздараўленні з’яўляюцца дзеці — больш за 70% тых сродкаў было выдаткавана на пуцёўкі ў лагеры і дзіцячыя санаторыі. Летам школьнікаў прымуць каля 6 тысяч аб’ектаў адпачынку і аздараўлення, а гэта 4,5 тысячы лагераў з дзённым знаходжаннем і каля 1,5 тысячы лагераў з кругласутачным знаходжаннем. У Беларусі таксама функцыянуе 148 паўнацэнных стацыянарных загарадных лагераў.