Сеткавае выданне zviazda.by

Калі будзем ісці ў страі, ніколі не вырвемся наперад. На гэтым зрабіла асаблівы акцэнт першы намеснік кіраўніка Адміністрацыі Прэзідэнта Наталля Пяткевіч, звяртаючыся да мясцовай вертыкалі ўлады паўднёва-ўсходняга рэгіёна і пазначаючы стратэгіі і тэмпы развіцця ва ўмовах сучаснасці, перадае БелТА.

У гэту яркую сонечную сераду ў Нясвіжскім замку было асабліва шматлюдна. У нацыянальным гісторыка-культурным музеі-запаведніку «Нясвіж» узнагароджвалі пераможцаў Рэспубліканскага конкурсу «Жанчына года — 2024», які праводзіць Беларускі саюз жанчын.

Мерапрыемства ў такім фармаце па выніках адзінага дня прыёму грамадзян членамі Савета Рэспублікі — традыцыйнае. Адзіны дзень прыёму грамадзян сенатарамі прайшоў 3 сакавіка ва ўсіх раёнах Мінскай вобласці. Па кожным звароце даваліся канкрэтныя даручэнні, кожная праблема, якая хвалюе грамадзян, бралася на кантроль. «Такая форма работы намі праводзіцца ўжо не першы год, — звярнула ўвагу Наталля Качанава. — У Мінскай вобласці папярэдні раз мы праводзілі ў кастрычніку 2022 года, з таго часу зроблена вельмі шмат. Практычна ўсе задачы, запісаныя ў пратакол па выніках таго прыёму, выкананы».

Урачыстая цырымонія ў рамках Усебеларускай акцыі «Мы — грамадзяне Беларусі!», прымеркаванай да Дня Канстытуцыі, адбылася ў Савеце Рэспублікі. 14-гадовыя пераможцы алімпіяд, спаборніцтваў, конкурсаў, грамадскія актывісты з розных рэгіёнаў краіны атрымалі з рук Старшыні Савета Рэспублікі найважнейшы дакумент — пашпарт грамадзяніна Рэспублікі Беларусь.

У гэты чацвер у Савеце Рэспублікі было сапраўды шматлюдна. Для жанчын-ваеннаслужачых 3-й асобнай Чырванасцяжнай брыгады спецыяльнага прызначэння вайсковай часці 3214 была арганізавана экскурсія па будынку Савета Рэспублікі, падчас якой прыгожая палова азнаёмілася з кірункамі дзейнасці палаты парламента. Затым Старшыня Савета Рэспублікі Наталля Качанава ў фармаце дыялогавай пляцоўкі правяла сустрэчу з жанчынамі, павіншавала іх з надыходзячым святам і расказала аб рабоце заканадаўцаў, шырокім спектры кірункаў дзейнасці сенатараў, рабоце са зваротамі грамадзян і многім іншым.

Цэнтральны рэгіён і сталіца на першых пазіцыях фактычна па ўсіх паказчыках сацыяльна-эканамічнага развіцця ўжо не першы год. Мінулы 2024-ы не стаў выключэннем: Мінск і Мінская вобласць, як стала вядома падчас падвядзення вынікаў, сваё лідарства саступаць не збіраюцца.

У нашай краіне жыве каля 4,9 мільёна жанчын, а гэта 54 % насельніцтва. Сярэднестатыстычны партрэт беларускі выглядае так: гэта гараджанка, якая мае вышэйшую ці сярэднюю спецыяльную адукацыю, працуе ў сферы аховы здароўя, адукацыі, фінансавай ці страхавой дзейнасці або на дзяржслужбе, у вольны час займаецца спортам, знаходзіцца ў шлюбе і выхоўвае дзяцей. Як і дзякуючы чаму ў беларусак атрымліваецца быць актыўнымі, падтрымліваць баланс паміж сям’ёй і кар’ерай, напярэдадні Дня жанчын расказалі спецыялісты, а міністр працы і сацыяльнай абароны Наталля Паўлючэнка падзялілася асабістым сакрэтам, як усё паспяваць.

Па выніках 2024 года Мінскам былі выкананы ўсе мэтавыя паказчыкі, устаноўленыя пастановай Савета Міністраў. Старшыня Мінскага гарвыканкама Уладзімір Кухараў адзначыў: «Сёння можна з упэўненасцю сказаць, што мы справіліся з пастаўленымі задачамі». Мэр Мінска падкрэсліў, што па выніках года ў поўным аб’ёме было забяспечана выкананне бюджэту: «Гэта дазволіла вырашыць усе сацыяльна-эканамічныя пытанні, якія стаялі. Бюджэт Мінска — сацыяльны. Больш за 55 % накіроўваецца на сацыяльную сферу. У будаўнічай галіне забяспечана рашэнне задач, якія датычацца будаўніцтва жылля для маючых патрэбу, для шматдзетных і іншых катэгорый грамадзян. Жыллёва-камунальная гаспадарка таксама забяспечыла выкананне ўсіх задач, якія стаялі. Гэта і капітальны рамонт, і рамонт дарожнага палатна, і іншых напрамкаў».

Сімвалічна, што гэта важная і доўгачаканая для сталічных вартавых правапарадку падзея адбылася ў Дзень беларускай міліцыі. На працягу больш як 70 гадоў мінскія міліцыянеры размяшчаліся ў будынку на Дабрамысленскім завулку. Са з’яўленнем новых падраздзяленняў на старым будынку дабудавалі шосты паверх, але гэтага аказалася недастаткова. У выніку было вырашана ўзвесці новы будынак міліцыі: па даручэнні кіраўніка дзяржавы 1 сакавіка 2023 года ў цэнтры горада пачалася маштабная будоўля.

У панядзелак члены Савета Рэспублікі правялі адзіны дзень прыёму грамадзян у Мінскай вобласці. Старшыня Савета Рэспублікі Наталля Качанава вяла прыём у Барысаве. Праблемы, з якімі звярталіся людзі да кіраўніка Савета Рэспублікі, самыя разнастайныя. Жыхароў цэнтральнага рэгіёна і не толькі хвалююць пытанні прызначэння пенсій, стан дарог, добраўпарадкаванне населеных пунктаў, жыллёвыя праблемы і многае іншае.