Сеткавае выданне zviazda.by

Наступны тыдзень для школьнікаў нашай краіны доўгачаканы — пачнуцца вясновыя канікулы. У бацькоў штогод напярэдадні ўзнікае адно пытанне: як забяспечыць любімаму дзіцяці не толькі камфортныя, але і бяспечныя ўмовы для тыднёвага адпачынку і аздараўлення? Чым заняць школьнікаў, калі ўрокаў няма, расказалі спецыялісты.

Фінал чацвёртага сезона рэспубліканскага праекта «Конкурс маладзёжных ініцыятыў» прайшоў у Маладзёжнай крэатыўнай прасторы ў Мінску. У 2024 годзе на конкурс паступіла каля 200 заявак з усёй краіны. Сярод прадстаўленых — праекты па патрыятычным выхаванні, развіцці творчасці, спорту, стварэнні адукацыйных праграм, крэатыўных прастор і не толькі. У нашым матэрыяле — пра некаторыя з іх.

Яркімі эмоцыямі расфарбаваў канец зімы фінал рэспубліканскага праекта «Студэнт года», які прайшоў у Мінскім гарадскім палацы культуры. На працягу ўсяго 2024-га каля 150 студэнтаў па ўсёй краіне ўдзельнічалі ў адборах спаборніцтва на базе ўстаноў вышэйшай адукацыі. Гэта і конкурс прамоўніцкага майстэрства, і абарона праектаў, і творчы нумар. Да таго ж усе ўдзельнікі павінны былі мець высокі сярэдні бал — не менш за «8», а таксама займаць актыўную жыццёвую пазіцыю, удзельнічаць у грамадскім жыцці ўніверсітэта і горада. У выніку ў фінал выйшлі 14 юнакоў і дзяўчат з Мінска, абласных цэнтраў, а таксама Баранавічаў і Наваполацка.

З Аляксандрам Плыгаўкам мы пазнаёміліся падчас камандзіроўкі ў аграгарадок Друя. Туды малады чалавек пераехаў паўтара года таму, пакінуўшы прэстыжную работу ў Мінску. Цяпер ён загадчык філіяла «Друеўскі пасялковы дом культуры», атэставаны экскурсавод, старшыня Савета працоўнай моладзі Браслаўскага раёна, актывіст праекта «Таямніцы пры граніцы» і проста энтузіяст, які запальвае сваёй энергіяй усіх навокал. Сустрэліся і пагаварылі з ім аб жыцці, адраджэнні вёскі і творчых планах.

Будаўнічы студэнцкі атрад БрДТУ «Спадчына» імя Героя Савецкага Саюза П. М. Машэрава ўзяў удзел у рэстаўрацыі збудаванняў у Мемарыяльным комплексе «Брэсцкая крэпасць-герой». У яго складзе —дзінаццаць юнакоў і адна дзяўчына. Усе яны вучацца на 2–4 курсах архітэктурна-будаўнічага факультэта.

Указ, якім прадугледжваецца будаўніцтва ў 2025–2027 гадах Нацыянальнага гістарычнага музея Беларусі, парку Народнага адзінства і стварэнне пастаяннай экспазіцыі музея ў раёне вуліцы Арлоўскай у Мінску, быў падпісаны Прэзідэнтам Беларусі 5 лютага. Таксама музею прысвоены статус Усебеларускай маладзёжнай будоўлі. А значыць, удзел у ёй могуць узяць маладыя людзі ва ўзросце да 31 года, у тым ліку ў складзе студэнцкіх атрадаў.

Гэтаму маштабнаму форуму ўжо дваццаць два гады, і ўвесь гэты час ён дэманструе адукацыйныя дасягненні ў Рэспубліцы Беларусь. Сёння, калі ў школах, ВНУ і каледжах стаўка робіцца на прафарыентацыйны кірунак, калі набірае сілу траекторыя мэтавай падрыхтоўкі студэнтаў, і сам форум, і мерапрыемствы, якія праводзяцца ў яго рамках, становяцца ўсё больш актуальнымі. Паказальным з’яўляецца і той факт, што школьная і студэнцкая моладзь становіцца мэтавай аўдыторыяй выставы.

Сёння ў Мінску стартаваў адборачны тур Рэспубліканскага маладзёжнага праекта «100 ідэй для Беларусі».

Гэты будынак ў пастэльных тонах размясціўся ў Магілёве на пешаходнай вуліцы Ленінскай па суседству з музеям В.К. Бялыніцкага-Бірулі. На яго адкрыццё прыйшла ўся яўрэйская суполка Магілёва. Прысутныя не хавалі радасці. Асветніцкі цэнтр будавалі больш за 10 гадоў. Рэалізацыя праекта стала магчымай, дзякуючы падтрымцы абл- і гарвыканкама, спонсараў, неабыякавых землякоў. З віншавальнымі словамі да прысутных звярнуўся старшыня Магілёўскага аблсавета Аляксандр Гарошкін.

Хто ён, сучасны лідар? Апантаны малады даследчык, які гатовы гадзінамі сядзець у архівах у пошуках матэрыялаў для даследавання? А можа, таленавітая спявачка, якая сваім чароўным голасам збірае стадыёны? Ці амбіцыйны блогер, за жыццём якога сочаць тысячы падпісчыкаў? А калі гэта актывіст, для якога ўсё жыццё — арганізацыя і правядзенне мерапрыемстваў? Варыянтаў мноства! Гэта мы яшчэ не згадалі вялікіх спартсменаў і крэатыўных вынаходнікаў-наватараў... І як жа тады правільна ахарактарызаваць лідара? Якія словы падабраць, каб паказаць усю яго шматграннасць? Пакуль мы разважаем, прапануем разам згадаць два насычаныя дні на рэспубліканскім форуме лідараў «Маладзёжнае лідарства — сучасны погляд» і самім паспрабаваць знайсці адказ.