Сеткавае выданне zviazda.by

Новы, 106-ты сезон у Нацыянальным акадэмічным тэатры імя Янкі Купалы адкрыўся традыцыйным паказам спектакля «Паўлінка». Аб гэтым журналістам расказала галоўны адміністратар Купалаўскага тэатра Аксана Нікіціна, перадае БелТА.

Лідчане рыхтуюцца прымаць гасцей з усёй Беларусі і не толькі: 6 і 7 верасня ў горад завітае галоўнае свята асветы. Арганізатары імкнуцца падкрэсліць: кніга — гэта і ёсць свята, якое можа прыйсці ў кожны дом. І пры жаданні — у любы момант, бо мэта якраз у тым, каб жыхары Беларусі працягвалі традыцыю — жыць з кнігай, якая прыйшла на нашу зямлю больш за палову тысячагоддзя таму. Гэта тэма ўключана ў сёлетнюю канцэпцыю свята, разам з тэмамі 80-годдзя Перамогі і Года добраўпарадкавання, святкаваннем юбілейных дат класікаў айчыннай літаратуры. І ўсё ж асаблівы акцэнт — у Лідзе! — на старажытнасці: 500 гадоў з моманту першай публікацыі кнігі «Апостал» Францыска Скарыны. Гэта тэма будзе чырвонай ніццю праходзіць на большай частцы пляцовак, як падкрэсліў намеснік міністра інфармацыі Дзяніс Езерскі, як знак адданасці традыцыям Скарыны.

Міжнародны фестываль-свята «Славянскія літаратурныя дажынкі», які сёлета пройдзе на пачатку верасня, за два дзесяцігоддзі стаў своеасаблівым брэндам не толькі Гомельскага рэгіёна, але і ўвасабленнем сумеснага творчага патэнцыялу Беларусі і Расіі. Што чакае ўдзельнікаў і гасцей ХХ Юбілейнага літаратурнага форуму, які стартуе за некалькі дзён да Дня беларускага пісьменства, мы пацікавіліся ў яго ініцыятара і арганізатара — дэпутата Палаты прадстаўнікоў, старшыні Гомельскага абласнога аддзялення Саюза пісьменнікаў Беларусі», вядомага беларускага празаіка, лаўрэата Нацыянальнай літаратурнай прэміі Уладзіміра ГАЎРЫЛОВІЧА.

Да пасмяротных масак як асобнага кірунку мастацтва многія ставяцца насцярожана. Тым не менш старажытнае майстэрства працягвае існаваць: неабыякавыя да яго і скульптары, і гледачы, пра што сведчыць апроч іншага асаблівая ўвага апошніх да арыгінальных экспанатаў, якія ўваходзяць у экспазіцыі розных музеяў свету. Хоць, дарэчы, часта пасмяротныя маскі рабіліся не з мэтай далейшай дэманстрацыі — неабходнасць гіпсавых злепкаў тлумачылася тым, што яны дапамагалі мастакам падчас пазнейшага стварэння скульптурных партрэтаў. 

У Нацыянальным мастацкім музеі ўпэўнены: нягледзячы на тое, што сёння ў Беларусі склалася высокапрафесійная школа акварэльнага жывапісу, публіка мала знаёма з яе дасягненнямі. Таму менавіта здабыткі мастакоў мінулага і сучаснасці дэманструюцца на выстаўцы «Акварэль. Варыяцыі», створанай пад куратарствам Франца Корзуна, навуковага супрацоўніка выставачнага аддзела НММ. Да 29 верасня ёсць магчымасць пазнаёміцца з ледзь не сотняй акварэльных твораў з майстэрань аўтараў і фондаў музея.

Да 14 верасня ў галерэі «Арт-Фабрыка» працуе выстаўка Андрэя Савіча «Жывапіс па палатне, паперы і сэрцы».