Сеткавае выданне zviazda.by

Адзін з найбуйнейшых прамысловых гарадоў Гродзеншчыны 10 і 11 студзеня прымае акцыю «Марафон адзінства». Гэта 13-ы горад, куды завітаў грамадска-культурны фестываль пасля Маладзечна, Гомеля, Жлобіна, Магілёва, Бабруйска, Оршы, Віцебска, Пінска, Баранавіч, Брэста, Мазыра і Салігорска. Дарэчы, завершыць «Марафон» сваё шэсце таксама на Гродзеншчыне. Абласны цэнтр прыме гасцей акцыі 17 і 18 студзеня.

Лола Рахімбаеўна Атаджанава нарадзілася і вырасла ў Туркменістане, але вось ужо шосты год жыве ў Беларусі, а трэці — працуе настаўніцай у сталічнай гімназіі № 36. Пра вучобу, выбар прафесіі і рашэнне застацца ў беларускай сталіцы дзяўчына расказала ў інтэрв’ю «Звяздзе».

Магілёўскі Беларуска-Расійскі ўніверсітэт і Санкт-Пецярбургскі дзяржаўны ўніверсітэт пачынаюць рэалізацыю шэрагу цікавых праектаў. Пра гэта паведаміла прарэктар БРУ па вучэбнай рабоце Наталля Валогіна. Стартам стала адкрыццё ў канцы года на базе БРУ беларуска-расійскага Цэнтра сучасных адукацыйных тэхналогій і гуманітарных навук. Гэта вынік падпісанага паміж ВНУ пагаднення падчас Х Форуму рэгіёнаў Беларусі і Расіі, які прайшоў у чэрвені 2023 года ў Башкартастане. Удзел у адкрыцці цэнтра браў прарэктар па міжнароднай дзейнасці СПДУ Сяргей Андрушын.

Тыя беларусы, якіх на Гульні дапусцілі, у Парыжы прадэманстравалі сапраўдны гераізм і спартыўны дух. У авангардзе — батутысты. Іван Літвіновіч стаў першым у гісторыі двухразовым чэмпіёнам па скачках на батуце. Віялета Бардзілоўская — сярэбраны прызёр Алімпіяды. Яўген Залатой стаў сярэбраным прызёрам у спаборніцтвах па акадэмічным веславанні. Гэта першы для Беларусі медаль у мужчын-акадэмістаў. Яўген Ціханцоў узяў рэванш за няўдалае выступленне на Алімпіядзе ў Токіа і з Парыжа прывёз бронзавы медаль. І няхай аматараў цікавяць найперш медалі, не варта забываць, што чацвёртае месца байдарачніка Уладзіслава Краўца ці выхад у фінал плыўчыхі Аліны Змушко — таксама выдатны вынік на Алімпійскіх гульнях.

За 143 кіламетры ад Мінска размясцілася Мядзельшчына — раён, які мы асацыюем з самым вялікім і прыгожым возерам у Беларусі — Нараччу. Яго нярэдка называюць беларускім морам. У пахмурнае восеньскае надвор’е, якім сустрэў горад у дзень прыезду, супрацьлеглага берага возера не было відаць і яго бясконцая водная роўнядзь была сапраўды падобнай на марскую... На берагах Нарачы размешчана вялікая колькасць санаторыяў, папулярных і вядомых не толькі ў нашай краіне, але і за яе межамі. Гэта брэнд, які, безумоўна, праслаўляе Мядзельшчыну і Міншчыну. Але не меншы ўклад у яго добрую славу ўносяць прадпрыемствы і арганізацыі раёна і іх работнікі. Падрабязней пра тое, чым сёння жыве рэгіён, расказаў старшыня Мядзельскага райвыканкама Аляксандр Прановіч.

8 студзеня пачаліся перадвыбарныя выступленні кандыдатаў у Прэзідэнты Рэспублікі Беларусь па ТБ і радыё, паведамляе ЦВК.

З 1 студзеня набыла моц пастанова Міністэрства адукацыі Беларусі № 204, якая прадугледжвае павышэнне памераў надбавак педагагічным работнікам. У сувязі з тым, што новаўвядзенні часта выклікаюць розныя пытанні, Беларускі прафсаюз работнікаў адукацыі і навукі адкрывае прамую тэлефонную лінію.

Народныя гулянні ў рамках фестывалю «Берасцейскія сані» становяцца добрай традыцыяй на Брэстчыне. У папярэднія гады фэст прымалі Брэст, Баранавічы і Пінск. А сёння «Сані» пачынаюць сваё шэсце ў старажытным Кобрыне.

Першая экскурсія ў Палацы Незалежнасці ў 2025 годзе прайшла 9 студзеня. Такі падарунак папрасілі ў кіраўніка дзяржавы работнікі Мінскай абласной дзіцячай клінічнай бальніцы падчас яго візіту напярэдадні Новага года. Аляксандр Рыгоравіч з задавальненнем выканаў гэтае жаданне, і вось больш за 100 найлепшых супрацоўнікаў медустановы атрымалі магчымасць убачыць на свае вочы гэты ўнікальны будынак.

Адна з красамоўных навін з-за акіяна — ніжняя палата кангрэса ЗША адобрыла законапраект аб санкцыях супраць Міжнароднага крымінальнага суда (МКС) у Гаазе.