Сеткавае выданне zviazda.by

Важныя аспекты мытнага супрацоўніцтва стануць прадметам дыскусіі на ІV Еўразійскім эканамічным форуме, які пройдзе 26–27 чэрвеня ў Мінску.

Кацярына Слінько нарадзілася, вырасла і жыве ў Карэлічах, што ў Гродзенскай вобласці. У яе вялікая любячая сям’я, у якой выхоўваецца пяцёра дзяцей. Па традыцыі, якая склалася ў Беларусі, матулям, якія выхоўваюць пяцёра і больш дзяцей, уручаецца ордэн Маці. Кіраўнік дзяржавы падпісаў адпаведны ўказ у пачатку мая. Акрамя Кацярыны, яшчэ 59 жанчын атрымалі яго. Пагаварылі са шматдзетнай маці пра яе будні, пра тое, як яна ўсё паспявае. Вядома, распыталі аб тым, як жанчына адрэагавала на ўзнагароду.

Небяспеку высокага ціску часта недаацэньваюць. Але нездарма ж артэрыяльную гіпертэнзію называюць «ціхім забойцам». На пачатковых этапах яе не заўважаюць, а менавіта ў гэты перыяд можна было б узяць паталогію пад кантроль і зменшыць рызыкі ўскладненняў. Чаму артэрыяльную гіпертэнзію абавязкова лячыць і якіх памылак пазбягаць пры гэтым, расказала загадчык раённага кардыялагічнага цэнтра 6-й Цэнтральнай раённай клінічнай паліклінікі Ленінскага раёна Мінска Таццяна Кузьміч.

Дэлегацыя з Мінска прыбыла ў сталіцу Башкартастана яшчэ ў аўторак. Дзелавая праграма ўключае перагаворы старшыні Мінскага гарвыканкама Уладзіміра Кухарава і кіраўніка адміністрацыі Уфы Ратміра Маўліева, бізнес-форум «Мінск і Уфа: пабрацімства — новы драйвер развіцця», круглы стол па развіцці турызму, падпісанне шэрагу пагадненняў аб супрацоўніцтве паміж гарадамі ў розных сферах. Аб гэтым паведамілі ў Мінскім гарвыканкаме.

Беларускія ўрачы аказалі дапамогу замежнікам са 157 краін у 2024 годзе. Такая інфармацыя змяшчаецца ў статыстычным аглядзе да дня медыцынскіх работнікаў, які апублікаваў Нацыянальны статыстычны камітэт, паведамляе БелТА.

Праблема даступнасці і якасці мабільнай сувязі ў кожным кутку краіны знаходзіцца на кантролі на самым высокім узроўні. У жніўні мінулага года Прэзідэнт Беларусі падпісаў адпаведны ўказ, згодна з якім сотавыя аператары ў абавязковым парадку павінны будуць накіроўваць частку прыбытку на будаўніцтва новых вышак, мадэрнізацыю дзеючых аб’ектаў і іншыя меры па развіцці сетак сотавай сувязі, што дасць магчымасць павялічыць зону пакрыцця і ўстойлівасць сігналу.

Беларускія халадзільнікі «Атлант» ведаюць спажыўцы ў больш чым 30 краінах свету. І, як прызнаюцца на прадпрыемстве, галоўная ўзнагарода — тое, што пакупнікі рублём галасуюць за іх бытавую тэхніку. Сакрэт жа поспеху на рынку — у нязменна высокай якасці прадукцыі. Прадпрыемства — неаднаразовы лаўрэат Прэміі Урада Рэспублікі Беларусь у галіне якасці. Клопат пра яе пачынаецца нават не на этапе ўваходнага кантролю сыравіны, а нашмат раней — за год-два да таго, як выраб паступіць у серыйную вытворчасць, яшчэ падчас стварэння новага вырабу. Праводзіцца і комплексная цэнавая палітыка, каб бытавая тэхніка не атрымалася занадта дарагой. Як ЗАТ «Атлант» ужо на працягу больш як шасці дзесяцігоддзяў атрымліваецца вырабляць якасны прадукт, паглядзелі карэспандэнты «Звязды».

Выязное пасяджэнне адзінаццатай сесіі Брэсцкага абласнога Савета праходзіла ў Ляхавіцкім раёне. Дэпутаты разгледзелі пытанне эфектыўнасці выкарыстання зямель фермерскімі гаспадаркамі, а таксама водных і паляўнічых угоддзяў — іх арандатарамі. 

Вось ужо 10 гадоў запар абласны конкурс «Малады лідар Міншчыны» аб’ядноўвае ініцыятыўных, смелых і таленавітых. Яго ўдзельнікі распрацоўваюць унікальныя праекты ў самых розных сферах: ад адукацыі і культуры да медыцыны, прамысловасці і навуковай дзейнасці. Карэспандэнты «Звязды» пазнаёміліся бліжэй з маладымі лідарамі і даведаліся пра іх напрацоўкі, карысныя для ўсёй краіны.

Да канца года неабходна навесці на тэрыторыі Мінска поўны парадак. Такую задачу днямі акрэсліў старшыня Мінскага гарвыканкама Уладзімір Кухараў. І гэта якраз тая праблема, пра якую не так даўно гаварыў Прэзідэнт. 14 красавіка Аляксандр Лукашэнка, прымаючы з дакладам мэра сталіцы, паставіў задачу разабрацца з даўгабудамі ў Мінску, і асабліва ў комплексе «Мінск-Мір». Асобную ўвагу кіраўнік дзяржавы звярнуў на праблему звышнарматыўных тэрмінаў будаўніцтва жылля. «Гэта недапушчальна — даўгабуды, — падкрэсліў Прэзідэнт. — У вас іх 13, і з іх у „Мінск-Міры“ — 8. Гэта наогул недапушчальна. Яны (кампанія, якая займаецца забудовай гэтага квартала. — Заўв. аўт.) прыйшлі сюды працаваць, заключылі з намі інвестыцыйныя пагадненні, дагаворы, узялі на сябе абавязацельствы. Няхай выконваюць, калі хочуць працаваць тут». Карэспандэнт «Звязды» даведаўся, як сталічныя ўлады плануюць вырашаць праблему з даўгабудамі, што і на якім этапе цяпер у комплексе «Мінск-Мір», а таксама якіх маштабных аб’ектаў варта чакаць мінчанам у найбліжэйшы час.