Сеткавае выданне zviazda.by

Кожнае пытанне, якое датычыцца сітуацыі на спажывецкім рынку, як правіла, аператыўна вырашаецца. Грамадзянам, якія звярнуліся, даюцца тлумачэнні па выніку маніторынгу гандлёвага аб’екта, на які паступіла скарга.

У сталіцы адкрыўся 30-ы юбілейны міжнародны медыцынскі форум «Ахова здароўя Беларусі — 2025». Сёлета ў выстаўцы бяруць удзел каля 190 экспанентаў з 8 краін — Беларусі, Расіі, Кітая, Егіпта, Ірана, Турцыі, Венгрыі і Швейцарыі. Сярод іх вядучыя айчынныя вытворцы медыцынскай тэхнікі, вырабаў медыцынскага прызначэння, расходных матэрыялаў, стаматалагічнага абсталявання і фармацэўтычнай прадукцыі.

Старшыня Прафсаюза работнікаў адукацыі і навукі Таццяна Якубовіч выступіла з дакладам на пленарным пасяджэнні другога Кітайска-Беларускага жаночага форуму, які прайшоў у Нанкіне, Кітайская Народная Рэспубліка.

Напярэдадні 80-годдзя Вялікай Перамогі ў Беларусі ўдзяляецца асаблівая ўвага клопату аб ветэранах і тых, хто пацярпеў ад наступстваў вайны. Дзяржава і грамадства аб’ядноўваюць намаганні, каб выказаць падзяку героям і забяспечыць ім дастойнае жыццё. У Міністэрстве працы і сацыяльнай абароны расказалі, як падтрымліваюць ветэранаў.

ІІІ Беларуска-расійскі турыстычны кангрэс праходзіць у Мінску. На ім абмяркоўваюць пытанні развіцця турыстычнай галіны, у тым ліку бягучы стан спраў у турбізнесе, развіццё рынку і міжнародны вопыт. Форум з’яўляецца ключавой падзеяй для туріндустрыі абедзвюх краін і традыцыйна сабраў прафесіяналаў сферы для ўдзелу ў пленарным пасяджэнні і работы па секцыях.

Красавік аб’яўлены месяцам дзелавога турызму ў нашай краіне. Беларусь апошнім часам з’яўляецца прывабным рынкам у гэтым кірунку для вялікіх кампаній з суседняй краіны. Буйныя банкі і фінансавыя карпарацыі, рытэйл, якія маюць разгалінаваную сетку па ўсёй Расіі, нярэдка выбіраюць Мінск для правядзення дзелавых мерапрыемстваў. Сярод краін постсавецкай прасторы Беларусь знаходзіцца ў выйгрышным становішчы, улічваючы наяўнасць прамых авіярэйсаў з многіх вялікіх гарадоў Расіі і вялікую колькасць сродкаў размяшчэння. А адкрыццё Мінскага міжнароднага выставачнага цэнтра стварыла дадатковую пляцоўку для дзелавых мерапрыемстваў у новым сучасным фармаце.

Нават у XXІ стагоддзі, у эпоху тэхналагічных прарываў, чалавецтва яшчэ пакутуе ад такога захворвання скуры, як лішай, ці мікраспарыя. Ад гэтага грыбковага захворвання часцей пакутуюць дзеці. А вінаватымі ў ім з’яўляюцца браты нашы меншыя — бяздомныя і нават хатнія жывёлы. Пра тое, як пазбегнуць гэтай непрыемнай і вельмі заразнай хваробы, расказала ўчастковы ўрач-педыятр 3-й гарадской дзіцячай клінічнай паліклінікі Іна ТАМАШЭВІЧ.

Вясна — час пачатку дачнага сезона. У многіх на падаконніках падрастае расада, а ў крамах вока ўсё часцей затрымліваецца на пакеціках з насеннем: «Што б яшчэ такое карыснае і няцяжкае ў абыходжанні пасадзіць?» Можна паспрабаваць разнастаіць флору свайго прысядзібнага ўчастка, высадзіўшы лекавыя расліны, многія з якіх ужываюцца яшчэ і ў якасці вострых прыпраў у кулінарыі. Ці шмат набярэцца раслін, здольных выносіць капрызы нашага надвор’я? Так, нямала.

З 8 да 11 красавіка ў нашай краіне пройдзе ІІІ Беларуска-расійскі турыстычны кангрэс. І чарговы раз ён абяцае стаць адной з ключавых падзей для прафесіяналаў туріндустрыі з абедзвюх краін. Кангрэс прысвечаны актуальным пытанням узаемадзеяння Беларусі і Расіі ў сферы турызму, абмеркаванню бягучага стану спраў у турбізнесе, а таксама гарманізацыі заканадаўства і прапановах па развіцці тургаліны Саюзнай дзяржавы.

Рэспубліканская акцыя пад назвай «Чыста! Праф! Саюз!», якая падкрэслівае значнасць і важнасць мірнай працы, уклад кожнага грамадзяніна ў развіццё Беларусі, прымеркавана да Свята працы і Года добраўпарадкавання. Ініцыятыва ўяўляе сабой цыкл працоўных акцый па навядзенні парадку ў населеных пунктах, зонах адпачынку, на прадпрыемствах і арганізацыях. Прадстаўнікі прафсаюзаў па ўсёй краіне будуць працаваць там, дзе дапамога найбольш неабходная.