Сеткавае выданне zviazda.by

Акцыя, якая абышла Беларусь, набірае абароты ў Мінску. Ад дзяцей да прадпрыемстваў — усе ахоплены яе энергіяй. Учора ў Мінскім дзяржаўным палацы дзяцей і моладзі адбылося ўзнагароджанне пераможцаў мінскага этапу адкрытага конкурсу малюнка навучэнцаў пачатковых класаў «Мы разам» і рэспубліканскага конкурсу сачыненняў на тэму «Што такое адзінства». Калектывы «Мінскага метрапалітэна» і «Мінскметрабуда» абмяняліся падарункамі і пагутарылі на агульныя тэмы ў рамках сустрэчы «Адну справу робім!». Мінскі трактарны завод напоўніўся галасамі Ірыны Дарафеевай, гурта «PRавакацыя» і іншых зорак — удзельнікаў праекта «Разам працуем, разам спяваем!». Незабыўныя сустрэчы і падзеі — па самых розных адрасах...

У найважнейшай палітычнай кампаніі краіны, якой, безумоўна, з’яўляюцца выбары Прэзідэнта, ролю работы людзей непасрэдна на месцах цяжка пераацаніць. Менавіта ад іх — ад прадстаўнікоў мясцовай улады, ад членаў выбарчых камісій — залежыць, наколькі зручна і бяспечна будзе выбаршчыкам на кожным асобна ўзятым участку, ці ўдасца зрабіць так, каб выбары для людзей сталі святам — як гэта было заўсёды і як патрабуе кіраўнік дзяржавы. Карэспандэнты «Звязды» высветлілі, як рыхтаваліся ўчасткі, як быў арганізаваны электаральны працэс непасрэдна ў рэгіёнах, хто і з якім настроем працуе ў выбарчых камісіях. І нарэшце, чаму так важна прыйсці і прагаласаваць.

Вілейскі раён славіцца сваімі перадавымі прадпрыемствамі ў самых розных сферах. Адно з тых прадпрыемстваў, што заўсёды застаецца на слыху, — ААТ «Зеніт-БелОМА», на якім з 2022 рэалізуецца інавацыйны праект па вытворчасці прыцэльнай тэхнікі і аўтакампанентаў як для патрэб краіны, так і для экспартных мэт. У панядзелак, 20 студзеня, з ходам рэалізацыі праекта азнаёміліся кіраўнік Адміністрацыі Прэзідэнта Беларусі Дзмітрый Крутой і старшыня Мінскага аблвыканкама Аляксандр Турчын.

На базе Вілейскага вытворчага ўчастка ААТ «Мінскі малочны завод № 1» адбылося адкрыццё ўчастка вытворчасці сыроў з белай цвіллю. Ва ўрачыстай цырымоніі адкрыцця аб’екта ўзялі ўдзел кіраўнік Адміністрацыі Прэзідэнта Беларусі Дзмітрый Крутой і старшыня Мінскага аблвыканкама Аляксандр Турчын.

Сістэме аховы здароўя ў нашай краіне надаецца асаблівая ўвага. Беларуская медыцына ні ў чым не саступае замежнай. Гэта пацвярджаюць шматлікія ўнікальныя аперацыі, а таксама нярэдкае адкрыццё і рэканструкцыя медыцынскіх устаноў сусветнага ўзроўню. Так, для павышэння якасці аказання медыцынскай дапамогі Мінскім гарвыканкамам было прынята рашэнне аб мадэрнізацыі 2-й цэнтральнай паліклінікі. І 18 студзеня, Фрунзенскі раён атрымаў выдатны аб’ект са спецыялізаванымі аддзяленнямі і самым сучасным медыцынскім абсталяваннем.

Да рэканструкцыі ў будынку размяшчаўся корпус рэабілітацыі. Працавала дзіцячая рэанімацыя, але знаходзілася яна ў непрыстасаваных умовах, займала толькі палову паверха. Цяпер, калі гэта ўжо педыятрычны комплекс, пад дзіцячую рэанімацыю адведзены ўвесь паверх. «Гэта дазволіла павялічыць ложкавую магутнасць рэанімацыі і ўзяць на сябе 80-90 % усіх заўчасных родаў у Мінскай вобласці», — расказаў галоўны ўрач установы Пётр Масько.

Ужо праз некалькі дзён у нашай краіне пачнецца самы галоўны этап электаральнай кампаніі — галасаванне. Для беларусаў выбары Прэзідэнта краіны заўсёды асацыююцца з сапраўдным святам. Тым не менш не варта забываць пра бяспеку. Як правіла, ужо падчас датэрміновага галасавання сілавыя структуры краіны пераходзяць на узмоцнены варыянт нясення службы. Гэта робіцца не толькі для таго, каб забяспечыць бяспеку грамадзян, якія прыйдуць галасаваць, але і саміх членаў выбарчых камісій, для таго, каб нашы выбары прайшлі без усялякіх здарэнняў і парушэнняў. Якія меры будуць прымаць праваахоўнікі і ратавальнікі, каб падчас галасавання не было непрыемных неспадзяванак, расказалі на прэс-канферэнцыі ў Нацыянальным прэс-цэнтры.

Лунінецкі раён — гэта самабытны і гасцінны край у самым сэрцы беларускага Палесся. Размешчаны за 228 кіламетраў ад Брэста, горад Лунінец трывала асацыіруецца з клубніцамі. А яшчэ гэта ціхае месца, дзе шмат зеляніны і заўсёды пануе прыемная атмасфера. У розны час тут жылі і працавалі многія вядомыя людзі, а старадаўнія пабудовы захоўваюць памяць аб гісторыі.

У атрыуме гандлёвага цэнтра «Сталіца» праходзіць унікальны інфармацыйна-асветніцкі праект «Адкрытае веданне». У якасці спікераў выступаюць аўтарытэтныя эксперты, расказваюць пра асаблівасці сённяшняй электаральнай кампаніі і пра тое, чаму так важна прыйсці на выбары.

Беларусь стаіць на парозе самай важнай грамадска-палітычнай падзеі — выбараў Прэзідэнта краіны. Лічаныя дні застаюцца да пачатку датэрміновага галасавання. Таму ў нашу краіну ўжо сёння прыязджаюць міжнародныя назіральнікі. Іх галоўная задача — прасачыць за тым, каб выбары прайшлі сумленна, без парушэнняў, з захаваннем усіх нормаў. У чацвер, 16 студзеня, яны наведалі Мінскую вобласць.