Сеткавае выданне zviazda.by

У сталічнай сярэдняй школе № 64 працуе спартыўны ваенна-патрыятычны клуб «Сірыус». Яго дзейнасць арганізавана пад эгідай Міністэрства абароны. Цеснае супрацоўніцтва Беларускай дзяржаўнай акадэміі авіяцыі і ААТ «Пеленг» дасць магчымасць навучэнцам браць удзел у практычных занятках, набываць досвед кіравання беспілотнымі лятальнымі апаратамі, удасканальваць фізічную падрыхтоўку, атрымліваць навыкі картаграфіі, тактычнай медыцыны, арыентавання на мясцовасці ў экстрэмальных умовах.

Крыху больш за два тыдні застаецца да важнага і адказнага кроку ў жыцці кожнага з нас — да выбараў Прэзідэнта Рэспублікі Беларусь. Наш голас, аддадзены за аднаго з кандыдатаў, вызначыць маршрут краіны на бліжэйшыя пяць гадоў. Таму так важна рабіць яго ўзважана, асэнсавана і адказна. Чым будуць кіравацца ў гэтым пытанні прадстаўнікі маладога пакалення беларусаў, даведаліся нашы карэспандэнты.

За 143 кіламетры ад Мінска размясцілася Мядзельшчына — раён, які мы асацыюем з самым вялікім і прыгожым возерам у Беларусі — Нараччу. Яго нярэдка называюць беларускім морам. У пахмурнае восеньскае надвор’е, якім сустрэў горад у дзень прыезду, супрацьлеглага берага возера не было відаць і яго бясконцая водная роўнядзь была сапраўды падобнай на марскую... На берагах Нарачы размешчана вялікая колькасць санаторыяў, папулярных і вядомых не толькі ў нашай краіне, але і за яе межамі. Гэта брэнд, які, безумоўна, праслаўляе Мядзельшчыну і Міншчыну. Але не меншы ўклад у яго добрую славу ўносяць прадпрыемствы і арганізацыі раёна і іх работнікі. Падрабязней пра тое, чым сёння жыве рэгіён, расказаў старшыня Мядзельскага райвыканкама Аляксандр Прановіч.

На ўзбраенне вадалазна-ратавальнай службы пажарнага аварыйна-ратавальнага атрада ўстановы «Мінскае абласное ўпраўленне МНС» паступіла новае абсталяванне — ратавальны буй з дыстанцыйным кіраваннем.

Лічбы ў зводках МНС дзівяць: з 1 па 3 студзеня бягучага года ў Мінскім раёне адбылося 11 пажараў. За гэтыя дні гарэла некалькі лазняў, машыны і зялёныя насаджэнні, пераважная большасць з выпадкаў адбылося ў прыватным сектары.

У чацвер, 9 студзеня, жыхары прысталічнага рэгіёна атрымалі каштоўны падарунак. У вёсцы Бараўляны адкрылі новы будынак Тэрытарыяльнага цэнтра сацыяльнага абслугоўвання насельніцтва Мінскага раёна. Ва ўрачыстай цырымоніі адкрыцця ўзялі ўдзел Старшыня Савета Рэспублікі Наталля Качанава і старшыня Мінскага аблвыканкама Аляксандр Турчын.

Напрыканцы снежня ў Мінскім гарвыканкаме прайшоў фінал маладзёжнага праекта «Кіраўнік будучыні». У ім узялі ўдзел 30 студэнтаў БДУ. Восенню на працягу тыдня яны знаёміліся з работай дзяржслужачых па самых розных кірунках. Удзельнікі ўзаемадзейнічалі з кіраўніцтвам горада, задавалі пытанні і распрацоўвалі практыка-арыентаваныя праекты, якія ім неабходна было абараніць перад журы. Карэспандэнты «Чырвонкі» далучыліся да мерапрыемства, даведаліся аб новых праектах і іх аўтарах.

У першыя паслянавагоднія выхадныя ў сталіцы шахцёраў было горача. Тут 3 і 4 студзеня праходзіла рэспубліканская грамадска-культурная акцыя «Марафон адзінства». Тысячы чалавек паўдзельнічалі ў гэтай знакавай падзеі, наведалі цікавыя выставы, папрысутнічалі на сустрэчах і выступленнях артыстаў, адчулі сапраўдны настрой усеагульнага яднання. Муралы, квэсты, інтэрактывы і святочны настрой — вось, чым жылі салігарчане і госці горада ў гэтыя дні. Заключным акордам «Марафона Адзінства» стаў традыцыйны канцэрт «Час выбраў нас». Карэспандэнт «Звязды» далучыўся да гэтай яркай, масавай і светлай акцыі пачатку новага 2025 года.

3 і 4 студзеня 2025-га сталіца шахцёраў прымае самую маштабную і яркую акцыю гэтага года — «Марафон адзінства». У першыя паслянавагоднія выхадныя салігарчан і гасцей горада чакае шмат унікальных пляцовак і выстаў, а таксама экскурсіі, канцэрты, «НЯсумныя НЯлекцыі» і многае іншае. Карэспандэнт «Звязды» далучыўся да займальнага падарожжа па горадзе адзінства.

24 снежня ў беларускай сталіцы адбылося пасяджэнне рабочай групы па каардынацыі ўзаемадзеяння горада Масквы і Беларусі. На ёй старшыня Мінскага гарвыканкама Уладзімір Кухараў разам з міністрам Урада Масквы, кіраўніком Дэпартамента знешнеэканамічных і міжнародных сувязяў горада Масквы Сяргеем Чароміным абмеркавалі шэраг важных пытанняў, сярод якіх — лічбавізацыя, экалогія, ЖКГ і інш.