Сеткавае выданне zviazda.by

Па даручэнні кіраўніка дзяржавы Аляксандра Лукашэнкі рэспубліканскі атрад спецыяльнага прызначэння «ЗУБР» МНС пераведзены ў рэжым павышанай гатоўнасці да рэагавання для ліквідацыі наступстваў землетрасення, якое адбылося ў М’янме, паведамілі ў прэс-службе МНС.

У красавіку ў Беларусі вырасце базавая арэндная велічыня, ва ўсіх мабільных аператараў з’явіцца базавы сацыяльны тарыф, адкрываюцца новыя авіярэйсы з абласных цэнтраў, нас чакаюць суботнік і вялікія выхадныя.

Для аказання медыцынскай дапамогі шырока выкарыстоўваюцца магчымасці інфармацыйных тэхналогій і штучнага інтэлекту.
У прыватнасці, яны могуць спрагназаваць рызыкі развіцця таго ці іншага захворвання ў чалавека. Акрамя таго, спецыяльныя комплексы прагназуюць аддаленыя наступствы для здароўя ў дзяцей, якія лечацца ад злаякасных захворванняў.

У гэты чацвер Нацыянальная бібліятэка Беларусі ўрачыста сустракала гасцей — выпускнікоў Мінскага дзяржаўнага каледжа лічбавых тэхналогій з ліку асоб з асаблівымі адукацыйнымі патрэбамі. Уручыць доўгачаканыя дыпломы, заслужаныя ўзнагароды і павіншаваць маладых людзей з заканчэннем вучобы прыехалі Старшыня Савета Рэспублікі Наталля Качанава і Мітрапаліт Мінскі і Заслаўскі Веніямін.

Разам сабраны нарысы, артыкулы, у якіх расказваецца пра лёс паселішчаў Брэсцкай воблаасці, якія былі спалены фашысцкімі карнікамі і іх памагатымі ў гады Вялікай Айчыннай вайны. Кніга падрыхтавана пад кіраўніцтвам рэдакцыйнай калегіі на чале з Таццянай Міхайлаўнай Гагакавай. Асновай выдання сталі публікацыі ў абласной газеце «Заря»: у 2024 годзе газета рэалізавала творчы даследчыцкі, публіцыстычны праект «Забвения не будет». У кнізе выкарыстаны фотаздымкі, прадастаўленыя Пракуратурай Брэсцкай вобласці, рэдакцыямі раённых газет Брэстчыны, абласной газеты «Заря».

У рамках акцыі «За бяспеку разам» ратавальнікі засяродзілі ўвагу на Мінскім раёне, які акружае сталіцу Беларусі — Мінск. Гэты раён займае плошчу 1902,6 квадратных кіламетра і складае 4,8 % ад усёй Мінскай вобласці. Ён мяжуе з 12 іншымі раёнамі, што робіць яго важнай часткай рэгіёну. Па дадзеных на кастрычнік 2024 года ў Прысталіччы пражывае больш за 265 000 чалавек, з іх 42 769 — у прыватных дамах і больш за 100 000 — у кватэрах. Гэта падкрэслівае важнасць забеспячэння бяспекі для ўсіх жыхароў раёна.

З 27 па 29 сакавіка ў Мінску на «Мінск-арэне» пройдзе 27-я галіновая выстаўка, якая прэзентуе як турыстычны патэнцыял нашай краіны, так і магчымасці іншых экспанентаў. Пра адметнасці сёлетняга мерапрыемства пагаварылі з намеснікам міністра спорту і турызму Алегам Андрэйчыкам.

Правядзенне Дзён Мінска дасць магчымасць прыняць дадатковыя меры па нарошчванні тавараабароту за кошт рэалізацыі сумесных праектаў у прамысловай і гуманітарнай сферах, а таксама ва ўстанаўленні дзелавых кантактаў паміж прадпрыемствамі, дыверсіфікацыі паставак прадукцыі. У верасні 2024 года Дні Екацярынбурга прайшлі ў Мінску, цяпер — візіт у адказ. Плануецца, што афіцыйную праграму Дзён адкрые сустрэча кіраўнікоў гарадоў-пабрацімаў, дзе будуць абмяркоўвацца пытанні міжрэгіянальнага і гандлёва-эканамічнага супрацоўніцтва. «Звязда» даведалася, чым гэтым разам будзем здзіўляць екацярынбуржцаў.

Намеснік начальніка аддзела прававога рэгулявання і рэалізацыі жыллёвай палітыкі ўпраўлення жыллёвай палітыкі Мінгарвыканкама Таццяна Бухта расказала аб тым, як пабудаваць жыллё ў Мінску з дапамогай сямейнага капіталу, паведамілі ў БелТА.

Першыя гектары ў ААТ «Хмелева» Жабінкаўскага раёна засеялі аўсом яшчэ 4 сакавіка. Тут зусім лёгкія глебы, а снегу сёлета фактычна не было. Як пацяплела, спяшаліся выйсці ў поле, каб зямля не ссыхала, каб максімальна захапіць прыродную вільгаць. Як высветлілася пазней, за гэту работу хмелеўскія аграрыі ўзяліся першымі не толькі ў вобласці, але і ў краіне.