Навiны
Інвестпраекты — важкі ўнёсак у будучыню Капыльшчыны
Мінулы год для Капыльшчыны быў багатым на ўвядзенне знакавых аб’ектаў па інвестыцыйнай праграме «Адзін раён — адзін праект». У прыватнасці, высокатэхналагічнага комплексу па вырошчванні і перапрацоўцы мяса індычкі ў вёсцы Пясочнае, а таксама запуску цэха інавацыйнай прадукцыі — сухога малака з капілярна-порыстай структурай — на Капыльскім філіяле Слуцкага сыраробнага камбіната. Акрамя таго, у сельгаспадарках раёна ўведзены ў эксплуатацыю некалькі сучасных жывёлагадоўчых аб’ектаў. Усё гэта будзе спрыяць эканамічнаму росту раёна, бо атрыманая прадукцыя накіроўваецца на экспарт, ствараюцца новыя працоўныя месцы з дастойнай заработнай платай, а ў раён прыходзяць сучасныя тэхналогіі і адзначаецца высокі ўзровень вытворчасці. Пра знакавыя для раёна аб’екты, развіццё сельскай гаспадаркі і работу ў Год добраўпарадкавання размаўляем са старшынёй Капыльскага райвыканкама Сяргеем Пілішчыкам.
Якімі эканамічнымі дасягненнямі можа ганарыцца Віцебшчына?
Якасць — нацыянальны брэнд Беларусі ўжо не першае дзесяцігоддзе. Сёння рэгіёны імкнуцца да найвышэйшых стандартаў якасці. Многае ажыццяўляецца ў гэтым кірунку на Віцебшчыне.
Крутой: Выйсці на зададзены ўзровень ВУП у 104,1% немагчыма без рэалізацыі праектаў з Дзяржінвестпраграмы
Выйсці па выніках 2025 года на зададзены ўзровень ВУП у 104,1% немагчыма без сучаснай інфраструктуры і рэалізацыі праектаў, якія закладзены ў Дзяржінвестпраграму. Пра гэта заявіў журналістам кіраўнік Адміністрацыі прэзідэнта Дзмітрый Крутой па выніках дакладу Прэзідэнту Беларусі Аляксандру Лукашэнку аб зацвярджэнні Дзяржаўнай інвестыцыйнай праграмы на 2025 год, перадае БелТА.
«Кожны ўкладзены рубель павінен даваць максімальную аддачу»
Кіраўнік дзяржавы Аляксандр Лукашэнка заслухаў даклад па праекце Указа Прэзідэнта Рэспублікі Беларусь «Аб зацвярджэнні Дзяржаўнай інвестыцыйнай праграмы на 2025 год». Гэта асноўны фінансавы дакумент краіны па рэалізацыі найважнейшых дзяржбудоўляў з прыцягненнем сродкаў рэспубліканскага бюджэту. Дакумент ужо выносіўся на разгляд Прэзідэнту раней, алё ён яго не падпісаў, паколькі патрабаваўся дэталёвы аналіз некаторых аспектаў праграмы. Таму размова кіраўніка дзяржавы з адказнымі асобамі была прынцыповай. З 2018 года ў краіне дзейнічае інстытут дзяржаўных праграм, кожная галіна праграмуе свае расходы ў рамках пяцігадовых цыклаў. І там ёсць раздзел, прысвечаны інфраструктурным праектам ці капітальным укладанням. З гэтых штогадовых праектаў складваецца рэспубліканская і рэгіянальная інвестыцыйная праграма. Такім чынам, Дзяржаўная інвестыцыйная праграма — гэта дакумент, які закранае амаль усе сферы жыццядзейнасці краіны.
