Сеткавае выданне zviazda.by

Крыху больш за тры тыдні застаецца да найважнейшай грамадска-палітычнай падзеі ў жыцці краіны — другога пасяджэння VII Усебеларускага народнага сходу. Абмеркаванне праекта Праграмы сацыяльна-эканамічнага развіцця на 2026—2030 гады стартавала ўжо на гэтым тыдні. Яе мэта — пераход да новай якасці жыцця кожнага беларуса. Як будзем жыць і ў якім напрамку рухацца — абмяркоўвалі ў сераду дэлегаты УНС ад Мінскай вобласці.

Як адзначыў міністр сельскай гаспадаркі і харчавання Беларусі Юрый ГОРЛАЎ, цяпер дастаткова важкія перспектывы супрацоўніцтва краін — членаў ЕАЭС. «На дадзеным этапе існуе магчымасць вырашэння любых пытанняў. Для нас гэта вельмі важна, бо мы з’яўляемся краінай-экспарцёрам: калі больш за 90 % нашай харчовай прадукцыі пастаўляецца ў краіны ЕАЭС. Забеспячэння харчовай бяспекі Беларусь дасягнула яшчэ ў пачатку 2000-х, і сёння мы заяўляем аб тым, што павінны забяспечваць харчовую бяспеку Еўразійскай эканамічнай прасторы», — сказаў ён і дадаў, што Беларусь гатова выпрацоўваць з краінамі ЕАЭС сумесныя рашэнні і пераадольваць бар’еры, якія ўзнікаюць.

З гэтага года вакцынацыя супраць віруса папіломы чалавека (ВПЧ) уключана ў Нацыянальны каляндар прафілактычных прышчэпак Беларусі.

Намінальная налічаная сярэдняя заработная плата работнікаў Рэспублікі Беларусь у кастрычніку 2025 года склала 2758,6 рубля, паведамілі ў Нацыянальным статыстычным камітэце.

25 лістапада з афіцыйным візітам у Беларусь прыбыла дэлегацыя Міністэрства па надзвычайных сітуацыях Рэспублікі Казахстан на чале з міністрам Чынгісам АРЫНАВЫМ. Гэта першы візіт кіраўніка ратавальнага ведамства Казахстана па запрашэнню міністра па надзвычайных сітуацыях Рэспублікі Беларусь Вадзіма СІНЯЎСКАГА. На працягу трох дзён будуць абмяркоўвацца пытанні абмену вопытам і пашырэння супрацоўніцтва ў сферы грамадзянскай абароны, папярэджання і ліквідацыі надзвычайных сітуацый.

Рыхтуецца да разгляду ў другім чытанні праект Закона Рэспублікі Беларусь «Аб змяненні законаў па пытаннях дарожнай дзейнасці». Пакуль дакумент актыўна дапрацоўваецца: ідзе збор меркаванняў, зваротаў і пажаданняў, прымаюцца да ўвагі прапановы экспертаў у частцы пошуку і выкарыстання рэзерваў развіцця аўтадарожнай сеткі — як рэспубліканскай, так і мясцовай. У полі зроку заканадаўцаў — павышэнне эфектыўнасці арганізацыі дарожнага руху і кіравання транспартнай інфраструктурай, у тым ліку з дапамогай інтэлектуальнай транспартнай сістэмы Мінтранса.

У Беларусі 26 лістапада на большай частцы тэрыторыі чакаецца туман, па паўночна-заходняй палове — моцныя ападкі (снег, мокры снег, які пераходзіць у дождж). У выніку ў краіне аб'яўлены аранжавы ўзровень небяспекі. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У Столінскім раёне на мужчыне загарэлася адзенне, па меддапамогу ён звярнуўся праз некалькі дзён, паведамілі БелТА ў МНС.

Кіраўніцтва Літвы не хоча ісці на канструктыўны дыялог з Беларуссю на палітычным узроўні. Пра гэта журналістам заявіў Дзяржаўны сакратар Савета бяспекі Аляксандр Вальфовіч па выніках даклада кіраўніку дзяржавы, паведаміла БелТА.