Сеткавае выданне zviazda.by

Авен. Узровень жыццёвых сіл на гэтым тыдні будзе дастатковым для таго, каб выканаць процьму спраў. Калі правільна размеркаваць вольны час, атрымаецца паралельна дапамагчы каму-небудзь з блізкіх людзей. Верагодна, прыйдзецца паводзіць сябе па-філасофску або звыш педагагічна. Далёка не заўсёды вашы словы будуць у нязменным выглядзе даходзіць да адрасата. Гэта важна ўлічыць і выправіць.

З пачатку года ў Беларусі адбылося 2179 пажараў, і гэта на 37 % надзвычайных выпадкаў больш у параўнанні з аналагічным перыядам мінулага года. Статыстыка сведчыць і аб негатыўнай тэндэнцыі росту загінулых на пажарах. Па стане на 10 красавіка, ахвярамі агню сталі 230 чалавек, у тым ліку дзіця (трагедыя адбылася ў Лунінецкім раёне).

Здараецца, што людзі, звычайнае жыццё якіх перарвала інваліднасць, поўнасцю губляюць сэнс жыць далей, апускаючы рукі. Аднак у Віцебскай абласной арганізацыі грамадскага аб’яднання «Беларускае таварыства інвалідаў» добра ведаюць, як пераўтварыць абмежаванасць здароўя ў перавагу і знайсці сябе, бо менавіта ў горадзе на Дзвіне дзейнічае адзіная ў Беларусі каманда па футболе на электракалясках.

Сёння канцэрт-рэквіем «Кожны трэці», які вось ужо цэлы тыдзень гучыць для прадстаўнікоў рэгіёнаў нашай краіны, запрасіў у Палац Рэспублікі гамяльчан. Кожны з тых, хто трапіў на ўнікальную праграму, дзе вогненныя гісторыі вайны і яе герояў гучаць сэрцамі дзясяткаў артыстаў, чарговы раз успомніў замучаных дзяцей страшнага лагера смерці «Чырвоны Бераг», дарослых і маленькіх вязняў «Азарычаў», а таксама тых, хто ў апошнія імгненні свайго жыцця стаяў на краі расстрэльнай ямы і чые імёны, магчыма, да гэтага часу застаюцца невядомымі. Кампазіцыя «Дрэва жыцця», якая з’явілася на Гомельшчыне, — чарговае сведчанне таго, што людская памяць жыве.

Другі год наша краіна сустракае Дзень касманаўтыкі ў статусе касмічнай дзяржавы. Касмічная галіна, якая знаходзіцца пад пільным патранажам Прэзідэнта мае для рэспублікі стратэгічнае значэнне. Сапраўды, космас — гэта будучыня, прастора, асваенне якой дае штуршок развіццю літаральна ўсіх сфер эканомікі і не толькі.

У адпаведнасці з пастановай Савета Міністраў суботнік можна праводзіць на рабочых месцах, а таксама папрацаваць на азеляненні, добраўпарадкаванні і прывядзенні ў належны стан аб’ектаў і тэрыторый населеных пунктаў. Акрамя таго, прадстаўнікі прадпрыемстваў, устаноў і арганізацый сёння заняты на добраўпарадкаванні знакавых аб’ектаў, гісторыка-культурных каштоўнасцяў, мемарыяльных комплексаў, месцаў баявой і воінскай славы, пахаванняў воінаў і партызан часоў Вялікай Айчыннай вайны.

Да рэспубліканскага суботніка ў сталіцы далучыліся і члены Савета Рэспублікі разам з сем’ямі. Работы ў сталічным Батанічным садзе было шмат: усе ўдзельнікі мерапрыемства раздзяліліся па розных зонах. Адны закладвалі экспазіцыю ў гонар 80-годдзя Перамогі ў Вялікай Айчыннай вайне, другія дапамагалі з добраўпарадкаваннем тэрыторыі і пасадкай дрэў, трэція займаліся пікіроўкай расады буякоў, а чацвёртыя — мульчыраваннем драўнянай дранкай ягадных кустоў.

Уся краіна выйшла на рэспубліканскі суботнік. А разам з ёй і Прэзідэнт Беларусі Аляксандр Лукашэнка. Кіраўнік дзяржавы працаваў на пляцоўцы, якая пастаянна знаходзіцца ў полі яго зроку — на будаўніцтве Нацянальнага гістарычнага музея і Парка народнага адзінства. Новы комплекс упрыгожыць патрыятычны ансамбль сталіцы, побач з ім, як вядома размешчаны Палац Незалежнасці, Вярхоўны суд і плошча Дзяржаўнага сцяга.

Як ужо паведамляла «Звязда», 2 красавіка ў пункце пропуску «Брэст» быў затрыманы мікрааўтобус на малдаўскіх нумарах з 580 кілаграмамі ўзрыўчаткі, які ехаў з Польшчы. Машыну транзітам пераганялі з Літвы ў Расію.

Мінск чарговы раз расчыніў дзверы для 27-га Belarus Fashion Week. З 9 па 11 красавіка Dipservice Hall стаў не проста прафесійнай пляцоўкай для беларускіх фэшн-спецыялістаў, але і сапраўдным святам моды для дызайнераў, іх адданых кліентаў і партнёраў! Аднак, BFW — гэта не толькі подыумныя дэфіле і смелыя fashion-рашэнні, гэта яшчэ і платформа для добрых спраў, аб’яднаных любоўю да стылю і жаданнем дапамагаць.