Сеткавае выданне zviazda.by

Навукоўцы з Нотынгемскага ўніверсітэта абвясцілі аб значным дасягненні ў галіне стаматалогіі — распрацоўцы ўнікальнага бялковага гелю, здольнага аднаўляць зубную эмаль. Гэта навіна можа стаць сапраўдным прарывам у лячэнні захворванняў поласці рота.

Мноства людзей лічыць нормай запраўляць ложак адразу пасля ранішняга абуджэння, аднак медыкі перасцерагаюць: такая звычка можа аказваць негатыўны ўплыў на наша здароўе. 

У МНПЦ хірургіі, транспланталогіі і гематалогіі выканана складаная кардыяхірургічная аперацыя пацыенту з буйной пухлінай сэрца. Пра гэта паведамляе «Мінская Праўда».

Інсульт — цяжкае захворванне, якое з’яўляецца сур’ёзнай праблемай для аховы здароўя ў Беларусі, як, зрэшты, і ва ўсім свеце. Сярод прычын інвалідызацыі яно стаіць на першым месцы. Аднак сёння сучасныя метады лячэння дазваляюць настолькі мінімізаваць наступствы інсульту, што, напрыклад, амаль 80 % пацыентаў пасля своечасова праведзенага трамбалізісу (увядзенне прэпарату, які рассмоктвае тромб) ужо на момант выпіскі са стацыянара праяў інваліднасці не маюць. Паводле даных Еўрапейскай арганізацыі інсультаў (ESO), па выніках 2023 года беларуская сістэма аховы здароўя ўваходзіць у топ-5 у рэйтынгу па дапамозе пацыентам з інсультам сярод краін Еўропы. Адным з вядучых у Беларусі цэнтраў па лячэнні інсультаў з’яўляецца Мінскі навукова-практычны цэнтр хірургіі, транспланталогіі і гематалогіі. З пачатку года тут дапамаглі больш за 1,6 тысячы пацыентаў з інсультамі.

Усяго ў Беларусі цыркулюе больш за 200 розных вірусаў. Загадчыца лабараторыі грыпу і грыпападобных захворванняў навукова-даследчага інстытута гігіены, таксікалогіі, эпідэміялогіі, вірусалогіі і мікрабіялогіі Рэспубліканскага цэнтра гігіены, эпідэміялогіі і грамадскага здароўя Наталля Шмялёва падкрэсліла, што гэта чатыры грыпы — А, B, C і D, вірусы парагрыпу, адэнавірус, рэспіраторна-сінцытыяльны вірус, рынавірус, каранавірус і гэтак далей, перадае БелТА.

У Гродне з’явіцца новы стаматалагічны цэнтр, будаўніцтва якога пачалося. Будынак будзе размяшчацца па вуліцы Дубко і аб’яднае ўсе дзяржаўныя стаматалагічныя клінікі абласнога цэнтра, паведамілі ў прэс-службе Гродзенскага аблвыканкама. 

Як справіцца з гэтай хваробай і адкуль яна ўзнікае.

Прэзідэнт Беларусі Аляксандр Лукашэнка павіншаваў работнікаў фармацэўтычнай і мікрабіялагічнай прамысловасці з прафесійным святам. Аб гэтым паведамілі ў прэс-службе беларускага лідара.

Днямі ў РНПЦ «Кардыялогія» праведзена 39-я па ліку сёлета трансплантацыя сэрца. Яе выканалі 30-гадовай пацыентцы, якая знаходзілася ў лісце чакання некалькі апошніх месяцаў. Донарскае сэрца было дастаўлена з Бярозы пры падтрымцы экіпажаў ДАІ Брэсцкай і Мінскай абласцей — і з дапамогай хірургаў выратавала жыццё маладой жанчыны. У нашай краіне праведзена ўжо 635 такіх аперацый, пачынаючы з 2009-га, калі донарскае сэрца было перасаджана ўпершыню. Некаторым пацыентам, а іх у рэспубліцы ўжо чатыры, выканана і паўторная трансплантацыя, бо служыць такое сэрца 10-15 гадоў. Аднак трансплантацыя — гэта вяршыня хірургічнага майстэрства і апошняя надзея для пацыента. Часцей за ўсё палепшыць здароўе ўдаецца з дапамогай іншых аперацый — на ўласным сэрцы ці сасудах. У РНПЦ «Кардыялогія» магчымы ўвесь спектр хірургічных умяшанняў, якія выконваюцца ў лепшых сусветных клініках. А трапіць сюды могуць не толькі мінчане, але і жыхары з любой кропкі краіны.