Навiны
У Нацыянальным аэрапорце Мінск прайшла прэзентацыя новага тыпу паветранага судна ў парку «Белавія»
Авіякампанія «Белавія» ўвяла ў эксплуатацыю новы тып самалёта — шырокафюзеляжны Aіrbus 330-200. Прэзентацыя новага тыпу паветранага судна «Белавія» адбылася ў Нацыянальным аэрапорце Мінск. Самалёт сустрэлі ў адпаведнасці з авіяцыйнай традыцыяй — водным салютам, расказалі ў прэс-службе Нацыянальнага аэрапорта.
Нягледзячы на сучасныя выклікі, авіякампанія «Белавія» распраўляе крылы
У канцы красавіка з Магілёва можна будзе ляцець у Маскву, а Брэст звяжуць рэгулярныя рэйсы з Санкт-Пецярбургам. І гэта яшчэ не ўсё, што гатова прапанаваць пасажырам «Белавія», якая сёння носіць статус нацыянальнай авіякампаніі. Кіруемая дзяржавай, кампанія і ў літаральным сэнсе нацыянальная і народная. Народжаная ў 1996-м, «Белавія» разам са сваёй краінай праходзіла ўсе шляхі станаўлення і развіцця. З году ў год яна станавілася ўсё мацнейшай, гучней заяўляла пра сябе поспехамі і здабыткамі. І, як і краіна сёння, напоўніцу адчула прыгнёт санкцыйнага ціску. Але, як і краіна, не здалася, шукала і знаходзіла новыя шляхі развіцця, новыя маршруты палётаў. У выніку і на гэтай траекторыі ўжо дасягнула значных вынікаў, вярнула ўпэўненасць у сабе і здабыла новых партнёраў. Набор вышыні працягваецца.
