Сеткавае выданне zviazda.by

За чэрвень 2025 года золатавалютныя рэзервы выраслі на $379,3 млн (на 3,3%) пасля росту ў маі на $215,7 млн (на 2%).

Калі няма свайго жылля, то, відавочна, яго даводзіцца здымаць. Пагадзіцеся, калі ёсць выбар — у прыватніка-ўласніка па камерцыйнай цане або ў дзяржавы, — то, як правіла, другі варыянт куды больш прывабны. Як-ніяк, сума не кусаецца, ды і выключана верагоднасць таго, што вас нечакана папросяць, «таму што трэба тэрмінова прадаць», «перасяляецца сваяк» ці — «так склаліся абставіны». З 21 верасня ў некаторых катэгорый беларусаў з’явіцца магчымасць выкупу квадратаў, якія арандуюцца ў дзяржавы. З гэтай даты ўступаюць у сілу нормы ўказа Прэзідэнта нумар 235. Каго ён закране і якія пры гэтым ёсць нюансы.

Свабодная эканамічная зона «Мінск» і мексіканскі індустрыяльны парк «Талука» падпісалі пагадненне аб супрацоўніцтве. Цырымонія падпісання адбылася ў час візіту беларускай дэлегацыі, арганізаванага Мінскім аддзяленнем Беларускай гандлёва-прамысловай палаты, з дзелавой місіяй у Мексіку, паведамілі БелТА ў прэс-службе сталічнай СЭЗ.

Маштабнае мерапрыемства прымеркавана да пасяджэння Вышэйшага Еўразійскага эканамічнага савета, дзе кіраўнікі дзяржаў-удзельніц абмяркуюць актуальны парадак еўразійскай інтэграцыі. Мерапрыемствы арганізаваны ў рамках старшынства Беларусі ў органах Еўразійскага эканамічнага саюза ў 2025 годзе.

Нацыянальны банк Беларусі падвышае стаўку рэфінансавання. Такое рашэнне прынята на пасяджэнні праўлення Нацбанка, прысвечаным развіццю сітуацыі ў эканоміцы і грашова-крэдытнай сферы, паведамілі БелТА ў Нацбанку.

Так, круглы стол «Дзяржаўныя закупкі ў ЕАЭС: рэальнасць, магчымасці і перспектывы» пройдзе ў Мінску 26 чэрвеня ў рамках ІV Еўразійскага эканамічнага форуму.

У маі інфляцыя не парадавала: у параўнанні са снежнем цэны выраслі на 4,5 працэнта, а з маем мінулага года — на 7,1 працэнта. Не будзем хітраваць: вынік трохі вышэйшы, чым меркавалася: па выніках года рост цэн не павінен перавысіць 5 працэнтаў. Фактычна, да сярэдзіны года Беларусь ужо выбрала ўвесь ліміт. Зрэшты, упісацца ў план яшчэ застаецца і магчымасць, і верагоднасць. Выбіліся з прагнозаў з прычыны, у тым ліку, і непрадбачаных абставін. Фенаменальна халодная вясна запозніла ўраджай ранняй гародніны і садавіны на некалькі тыдняў. Акрамя таго, з-пад цэнавага рэгулявання вывелі шэраг тавараў, некаторыя з якіх падаражэлі апераджальнымі тэмпамі. Іншае пытанне, што рынак адрэагаваў зніжэннем попыту. Таму ў летнія месяцы складаюцца высокія дэфляцыйныя фактары, якія, па логіцы, павінны прыбіць рост цэн і апетыты вытворцаў, пастаўшчыкоў і рознічных прадаўцоў.

За пяць месяцаў гэтага года агульная сума здзелак склала 47,6 мільёна долараў, расказалі ў БУТБ.

Меліярацыя — прынцыповае пытанне для Прэзідэнта. Яна непасрэдна ўплывае на развіццё аграпрамысловага комплексу краіны і нездарма знаходзіцца на асабістым кантролі кіраўніка дзяржавы. Рашэнне аб падтрыманні меліярацыйнага комплексу ў спраўным стане — адзіна правільнае для Беларусі. Ад гэтага залежыць не толькі харчовая бяспека, але і сацыяльная сфера, бо меліярацыя ўплывае на наяўнасць працоўных месцаў, дарог, сувязі... Як цяпер развіваецца галіна, расказалі спецыялісты.