Сеткавае выданне zviazda.by

Створаныя на акупаванай тэрыторыі, ва ўмовах рэгулярнай змены дыслакацыі і пастаяннай баявой гатоўнасці, гэтыя работы з’яўляюцца сведчаннем беспрэцэдэнтнай гераічнай барацьбы, выключнай мужнасці і стойкасці беларускага народа.

Навізна, актуальнасць, практычнасць — менавіта такімі якасцямі, на думку журы, павінны валодаць найлепшыя праекты штогадовага конкурсу навуковых і інавацыйных ідэй сярод навучэнцаў Беларускага дзяржаўнага ўніверсітэта інфарматыкі і радыёэлектронікі. Сёлета за права на рэалізацыю змагалася 20 перспектыўных ідэй. Аб падрабязнасцях некаторых з іх даведалася карэспандэнт «Звязды».

Два семінары ў адзін дзень адбыліся ў зале Пасольства Кітайскай Народнай Рэспублікі ў Рэспубліцы Беларусь, прыцягнуўшы да сябе асаблівую ўвагу не толькі вядомых навукоўцаў, экспертаў, грамадскіх дзеячаў, але і моладзі — студэнтаў беларускіх ВНУ. Такая шырокая зацікаўленасць зразумелая: тэмы семінараў у пасольстве сяброўскай краіны вызначыны самой сучаснасцю — «Паскарэнне ўсебаковага развіцця жанчын дзеля цудоўнай будучыні» і «Кіраўніцтва ў Кітаі ў маім успрыманні». 

У Беларусі 31 кастрычніка ў многіх раёнах краіны чакаецца ўзмацненне ветру з парывамі 15—20 м/с. З-за гэтага ў краіне аб’яўлены аранжавы ўзровень небяспекі, расказалі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Аматары салодкага і незвычайных навінак падрыхтуйцеся. Беларускі брэнд MODUM анансаваў зубную пасту са смакам папулярнага ў беларусаў шакаладу «Сталічны». Галоўнае — у складзе пасты тэабрамін, натуральная альтэрнатыва фтору. Вытворца абяцае, што навінка падорыць салодкі смак без шкоды для зубоў. Паведаміла «Мінская праўда».

Ганаровая ўзнагарода нацыянальнага прафцэнтра прысуджаецца ўжо дзясяты — юбілейны — раз. З 2016-га штогод сярод студэнтаў вышэйшых навучальных устаноў і навучэнцаў каледжаў выбіраюць самых актыўных у грамадскім жыцці і паспяховых у вучобе маладых людзей.

Прафсаюзы традыцыйна аказваюць дадатковую падтрымку работнікам, якія маюць дзяцей. Прычым гэта работа вядзецца па самых розных кірунках — ад арганізацыі прафкамамі свят і тэматычных мерапрыемстваў да ўключэння спецыяльных норм у калектыўныя дагаворы, якія даюць магчымасць работнікам, што маюць дзяцей, атрымліваць дадатковыя выплаты ў сувязі з тымі ці іншымі датамі і падзеямі, матэрыяльную дапамогу, выхадныя дні, гарантыі занятасці і інш.

У Нацыянальным мастацкім музеі ўрачыста адкрылася выстаўка «Мінхва: Мастацтва Карэі». Гэты міжнародны праект стаў магчымы дзякуючы падтрымцы Пасольства Рэспублікі Беларусь у Рэспубліцы Карэя. Карціны, прадстаўленыя ў экспазіцыі, сучасныя мастакі спецыяльна стваралі пад дадзены праект. А гэта паўсотні работ, прычым трыццаць з іх перадаюцца ў падарунак Нацыянальнаму мастацкаму музею.

У тэхналагічным канале на тэрыторыі, прылеглай да Бярозаўскай ДРЭС, зафіксаваны масавы замор рыбы. Пра гэта паведаміла БелТА.