Сеткавае выданне zviazda.by

Нават маладыя і, здавалася б, здаровыя людзі могуць сутыкнуцца з ускладненнямі пасля грыпу. Асноўная група рызык — асобы з хранічнымі захворваннямі, а сярод моладзі фактарам цяжкага цячэння хваробы з’яўляецца залішняя вага. Пра гэта заявіла намеснік галоўнага ўрача па інфекцыйных захворваннях Магілёўскай бальніцы № 1, галоўны пазаштатны інфекцыяніст Ірына Бас, паведамляе «Мінская праўда». 

Начальнік аддзела гігіены, эпідэміялогіі і прафілактыкі Міністэрства аховы здароўя Іна Карабан расказала, што рабіць для зніжэння сезоннага захворвання, паведамляе БелТА.

Працэдуры па ўвядзенні ін’екцыйных прэпаратаў можна даверыць толькі спецыялістам. Спробы самастойна выкарыстоўваць філеры, набытыя на маркетплэйсах, могуць прывесці да інфекцый, рубцоў і нават некрозу, расказала ТАСС член камітэта Дзярждумы па ахове здароўя Юлія Дрожжына.

У эксплуатацыю ўвялі палатны хірургічны і лабараторна-дыягнастычны карпусы. Рэалізацыя праекта падзелена на пяць этапаў, і завяршэнне работ плануецца на 2026 год. 

Навукоўцы з Нотынгемскага ўніверсітэта абвясцілі аб значным дасягненні ў галіне стаматалогіі — распрацоўцы ўнікальнага бялковага гелю, здольнага аднаўляць зубную эмаль. Гэта навіна можа стаць сапраўдным прарывам у лячэнні захворванняў поласці рота.

Мноства людзей лічыць нормай запраўляць ложак адразу пасля ранішняга абуджэння, аднак медыкі перасцерагаюць: такая звычка можа аказваць негатыўны ўплыў на наша здароўе. 

У МНПЦ хірургіі, транспланталогіі і гематалогіі выканана складаная кардыяхірургічная аперацыя пацыенту з буйной пухлінай сэрца. Пра гэта паведамляе «Мінская Праўда».

Інсульт — цяжкае захворванне, якое з’яўляецца сур’ёзнай праблемай для аховы здароўя ў Беларусі, як, зрэшты, і ва ўсім свеце. Сярод прычын інвалідызацыі яно стаіць на першым месцы. Аднак сёння сучасныя метады лячэння дазваляюць настолькі мінімізаваць наступствы інсульту, што, напрыклад, амаль 80 % пацыентаў пасля своечасова праведзенага трамбалізісу (увядзенне прэпарату, які рассмоктвае тромб) ужо на момант выпіскі са стацыянара праяў інваліднасці не маюць. Паводле даных Еўрапейскай арганізацыі інсультаў (ESO), па выніках 2023 года беларуская сістэма аховы здароўя ўваходзіць у топ-5 у рэйтынгу па дапамозе пацыентам з інсультам сярод краін Еўропы. Адным з вядучых у Беларусі цэнтраў па лячэнні інсультаў з’яўляецца Мінскі навукова-практычны цэнтр хірургіі, транспланталогіі і гематалогіі. З пачатку года тут дапамаглі больш за 1,6 тысячы пацыентаў з інсультамі.

Усяго ў Беларусі цыркулюе больш за 200 розных вірусаў. Загадчыца лабараторыі грыпу і грыпападобных захворванняў навукова-даследчага інстытута гігіены, таксікалогіі, эпідэміялогіі, вірусалогіі і мікрабіялогіі Рэспубліканскага цэнтра гігіены, эпідэміялогіі і грамадскага здароўя Наталля Шмялёва падкрэсліла, што гэта чатыры грыпы — А, B, C і D, вірусы парагрыпу, адэнавірус, рэспіраторна-сінцытыяльны вірус, рынавірус, каранавірус і гэтак далей, перадае БелТА.

У Гродне з’явіцца новы стаматалагічны цэнтр, будаўніцтва якога пачалося. Будынак будзе размяшчацца па вуліцы Дубко і аб’яднае ўсе дзяржаўныя стаматалагічныя клінікі абласнога цэнтра, паведамілі ў прэс-службе Гродзенскага аблвыканкама.