Сеткавае выданне zviazda.by

Выставачны праект «Стагоддзе беларускага кіно» пакажуць 17 і 18 студзеня ў Гродне падчас грамадска-культурнай акцыі «Марафон адзінства». Пра гэта паведаміла загадчыца Музея гісторыі беларускага кіно, філіяла Нацыянальнага гістарычнага музея Беларусі, Вераніка Себруковіч.

Аб рабоце ў сваёй Каменнагорскай 102-й акрузе (горад Мінск) дэпутат Палаты прадстаўнікоў Міхаіл Мірончык расказвае так: «Яшчэ да пачатку работы нашага склікання я цалкам сышоў „у народ“: меў зносіны з працоўнымі калектывамі і кіраўнікамі, часам нават не афіцыйна, а ў рамках звычайнай гутаркі. Па сакрэце скажу, бывалі выпадкі, калі стараўся няўзнак завязаць размову з жыхарамі маёй акругі, як бы выпадкова, напрыклад, у краме. Так што, калі здарыўся момант самога „знаёмства“, я быў ужо дасведчаны аб тым месцы, аб той акрузе і раёне, на карысць якой мне трэба будзе працаваць наступныя некалькі гадоў»...

Адна з такіх сустрэч прайшла сёння ў Дуянаўскім сацыяльным пансіянаце «Загарадны» Гомельскай вобласці. Тут жыве больш за 300 пастаяльцаў, многія з іх з інваліднасцю. Безбар’ернае асяроддзе, творчыя заняткі па інтарэсах, пастаянны догляд і медыцынская дапамога — ва ўстанове імкнуцца не толькі стварыць камфортныя ўмовы для пражывання, але і праводзяць сацыяльна-працоўную рэабілітацыю. Свой уклад для паляпшэння матэрыяльна-тэхнічнай базы ўстановы ўнеслі і прафсаюзы. Кінапраектар і камп’ютары ад нацыянальнага прафцэнтра дапамогуць у арганізацыі вольнага часу і сацыяльнай рэабілітацыі пастаяльцаў пансіяната.

Пачатак 2025 года для беларусаў — не проста чарговы гадавы перыяд. 2025-ы — гэта старт-год — год выбараў — старт новага пяцігадовага перыяду станаўлення і развіцця беларускай дзяржавы і грамадства да 2030 года.

Авен. Вы падсвядома гатовы да барацьбы за свае інтарэсы. Але неабходна змяніць стратэгію і тактыку, зрабіўшы ўпор на дыпламатыю і жаданне дамовіцца. Дзейнічайце мякчэй, будзьце дабрэй, змяніце гнеў на літасць, так будзе лягчэй і вам, і навакольным. Трымаючы сябе ў жорсткіх межах ветлівасці і велікадушнасці, вы можаце атрымаць нечаканае павышэнне па службе або які-небудзь іншы, але не менш прыемны падарунак лёсу.

Артыстка, матацыклістка і проста прыгажуня... Па аналогіі з вядомым фільмам так можна сказаць пра гэтую дзяўчыну. І нават больш, таму што яна таленавітая і валодае цудоўным голасам, які ў 2024 годзе прывёў яе салісткай у Вялікі тэатр Беларусі. Яркі дэбют маладой опернай артысткі на легендарнай сцэне не здарыўся знянацку. Нягледзячы на юны ўзрост, яна ўжо была лаўрэатам міжнародных конкурсаў, папрацавала з рознымі філарманічнымі калектывамі, акцёрскую загартоўку прайшла ў Беларускім дзяржаўным акадэмічным музычным тэатры. А душа хацела чагосьці больш складанага. Марыя наогул не шукае лёгкіх шляхоў, і, нягледзячы на зразумелы і натуральны для вакалістаў клопат пра галоўны інструмент — голас, — яна стала ў Беларусі першай опернай спявачкай-байкершай...

«Наша дружная мужчынская каманда», — кажа Аляксей Смірноў аб сваёй сям’і. Мужчына стаў удаўцом, калі яго сыну Радзівону споўнілася ўсяго тры гады. Найменш ён хацеў, каб іх маленькую сям’ю шкадавалі, а найбольш — каб у сына было цікавае і шчаслівае дзяцінства. Сёння Радзівон Смірноў — лаўрэат міжнародных конкурсаў, самы юны артыст Беларускага дзяржаўнага акадэмічнага музычнага тэатра і аматар футбола.

На калядныя святы Прэзідэнт Беларусі Аляксандр Лукашэнка наведаў храм Свяціцеля Мікалая Цудатворца ў Лагойску. Размаўляючы з прыхаджанамі і святарамі, кіраўнік дзяржавы акрамя іншых падняў пытанне будаўніцтва дарог. «Мною пастаўлена задача — усе раённыя цэнтры, у тым ліку Лагойск, з аграгарадкамі павінны быць звязаныя дарогамі з цвёрдым пакрыццём», — заявіў ён. Раней, у 2024 годзе, на кастрычніцкай нарадзе па пытаннях развіцця сеткі рэспубліканскіх аўтамабільных дарог Прэзідэнт падкрэсліў, што стан аўтамабільных дарог — найважнейшае пытанне для беларусаў, і засяродзіў увагу на тым, што 2025-ы — завяршальны для чарговай пяцігодкі дзяржаўнай праграмы «Дарогі Беларусі», галоўнай мэтай якой было і застаецца падтрыманне ў добрым стане асноўных аўтамабільных трас краіны.

Пасля выканання абодвума бакамі неабходных унутрыдзяржаўных працэдур 11 студзеня ўступае ў сілу падпісанае 19 чэрвеня 2020 года пагадненне паміж Урадам Рэспублікі Беларусь і Урадам Расійскай Федэрацыі аб узаемным прызнанні віз і па іншых пытаннях, звязаных з уездам замежных грамадзян і асоб без грамадзянства на тэрыторыі дзяржаў — удзельніц Дагавора аб стварэнні Саюзнай дзяржавы. Пра гэта паведамілі ў прэс-службе МЗС.

Указ кіраўніка дзяржавы аб абвяшчэнні 2025-га Годам добраўпарадкавання актыўна абмяркоўваецца ў рэальнай і віртуальнай прасторах. Галоўны пасыл гэтага ўказа блізкі без перабольшвання кожнаму чалавеку: мы ж хочам жыць у чыстай прыгожай краіне, ганарыцца ёй. Карэспандэнты «Звязды» сабралі меркаванні людзей, ад якіх у многім і залежыць, як будзе рэалізоўвацца ўказ. Зрэшты, добраўпарадкаванне — справа ўсіх і кожнага, а не толькі дзяржавы.