Сеткавае выданне zviazda.by

Мінула ўжо амаль чатыры гады, як палякі задумалі, а пасля і рэалізавалі ідэю ўстаноўкі агароджы на граніцы з Беларуссю. Рабілі гэта нібыта дзеля таго, каб паставіць заслон на шляху мігрантаў, якія ішлі да іх з боку Беларусі. Але ўжо сёння добра відаць адзіны вынік з гэтага распіяранага дзейства — вялікая шкода самаму старому лесу Еўропы, яго флоры і фаўне.

Сімвалічна, што гэта важная і доўгачаканая для сталічных вартавых правапарадку падзея адбылася ў Дзень беларускай міліцыі. На працягу больш як 70 гадоў мінскія міліцыянеры размяшчаліся ў будынку на Дабрамысленскім завулку. Са з’яўленнем новых падраздзяленняў на старым будынку дабудавалі шосты паверх, але гэтага аказалася недастаткова. У выніку было вырашана ўзвесці новы будынак міліцыі: па даручэнні кіраўніка дзяржавы 1 сакавіка 2023 года ў цэнтры горада пачалася маштабная будоўля.

Пасля канкрэтных установак спікера на далейшую работу старшыні камісій праінфармавалі аб ходзе падрыхтоўкі законапраектаў, якія знаходзяцца ў Палаце прадстаўнікоў, агучылі перспектывы заканатворчай дзейнасці. Акрамя таго, дэпутаты зацвердзілі Палажэнне аб Маладзёжным савеце пры Палаце прадстаўнікоў, азнаёміліся з планам правядзення парламенцкіх чытанняў, прысвечаных 80-годдзю Перамогі савецкага народа ў Вялікай Айчыннай вайне, канкрэтызавалі прапановы мерапрыемстваў, прымеркаваных да Года добраўпарадкавання.

Яна абрала балет свядома яшчэ ў маленстве (нейкі час вагалася паміж ім і мастацкай гімнастыкай) і мае плённую кар’еру, якая доўжыцца ўжо больш за трыццаць гадоў. Але ўнёсак заслужанай артысткі Беларусі Марыны Вежнавец у развіццё гэтага мастацтва ў Беларусі значна большы, чым яе асабістыя выступленні ў розных спектаклях, дзе кожная партыя ўвасоблена ярка, з характарам, іскрынкай. А колькі іх было з 1997 года, калі артыстка паступіла ў Вялікі тэатр Беларусі.

Зона адказнасці члена Пастаяннай камісіі па прамысловасці, энергетыцы, транспарце, сувязі і лічбавым развіцці Палаты прадстаўнікоў — Бабруйская сельская выбарчая акруга № 80. Гэта частка Першамайскага раёна горада на Бярэзіне, а таксама Бабруйскі і Кіраўскі раёны, дзе пражывае амаль 57 тысяч выбаршчыкаў. Якія праблемы іх турбуюць, чым адметнае жыццё ў рэгіёне, чаго не хапае тутэйшай моладзі, наколькі ініцыятыўнае і актыўнае насельніцтва тут жыве, дэпутат расказвае ў нашай рубрыцы.

4 сакавіка сваё прафесійнае свята адзначаюць тыя, хто са дня ў дзень бездакорна служаць закону, народу, Айчыне — супрацоўнікі органаў унутраных спраў. Гэта людзі, якія пастаянна знаходзяцца на пярэднім краі барацьбы са злачынствам, справай даказваючы адданасць краіне і народу Беларусі. Дзень міліцыі для сям’і Семяніда — свята павышанай значнасці, бо гэту нялёгкую прафесію абралі для сябе цэлых чатыры пакаленні.

Сельская гаспадарка з’яўляецца адной з прыярытэтных галін эканомікі краіны, якой надаецца вялікая ўвага з боку дзяржавы. Немалыя сродкі ўкладваюцца ў мадэрнізацыю вытворчасці і развіццё сацыяльнай сферы вёскі. Складаней становіцца тэхніка і абсталяванне, ўдасканальваюцца тэхналогіі для ручной працы, істотна скарачаецца доля ручной працы ў вытворчасці. Усё гэта патрабуе высокакваліфікаваных спецыялістаў.

Перспектывы гандлёва-эканамічных адносін Беларусі і Пакістана, крокі да пераадолення праблем і «падводных камянёў», якія знаходзяцца на шляху дзелавога супрацоўніцтва абедзвюх краін, абмеркавалі старшыня Беларускай гандлёва-прамысловай палаты Міхаіл Мятлікаў і Надзвычайны і Паўнамоцны Пасол Ісламскай Рэспублікі Пакістан у Рэспубліцы Беларусь Мухамед Айджаз, паведамілі ў прэс-службе БелГПП.

Яшчэ некалькі тыдняў — і пачнецца актыўны дачны сезон. Клопат не толькі саміх шчаслівых уладальнікаў лецішчаў, але і мясцовых сельсаветаў, на тэрыторыі якіх гэтыя лецішчы, дакладней садаводчыя таварыствы, знаходзяцца. Бо садаводчае таварыства — гэта не вёска і не пасёлак, гэта, так бы мовіць, «дзяржава ў дзяржаве», бо сельсавету яно фактычна не падпарадкоўваецца. У апошні час паўнамоцтвы мясцовай улады адносна садаводчых таварыстваў былі значна пашыраныя, але дасягнуць беспраблемнага суіснавання ўдаецца не заўсёды. Мы пацікавіліся непасрэдна ў старшынь сельсаветаў у розных рэгіёнах, як ім удаецца наладжваць кантакт з дачнікамі, якія нібыта і свае, а нібыта і не.

Надыходзячая вясна — самы час задумацца і спланаваць летні адпачынак дзяцей. Асабліва ўлічваючы той факт, што ў некаторыя лагеры пуцёўкі на самыя папулярныя першую і другую змены разлятаюцца ў першыя дні продажаў. Летась і сёлета ў заканадаўства, якое рэгулюе аздараўленне дзяцей, унесены шэраг змяненняў. Яны прадугледжваюць больш строгія патрабаванні да забеспячэння бяспекі, у тым ліку ў прыватных аздараўленчых лагерах. Разам з тым, сцвярджаюць спецыялісты, умовы атрымання пуцёўкі максімальна спрашчаюцца. У прыватнасці, цяпер бацькі могуць прэтэндаваць на яе не толькі па месцы работы. Пра навацыі ў аздараўленні расказалі спецыялісты.