Сеткавае выданне zviazda.by

Прэзідэнт Беларусі Аляксандр Лукашэнка пашырыў парадак дня саміту ЕАЭС, які прайшоў у Мінску, уключыўшы ў яго шэраг дадатковых пытанняў, вынесеных на пасяджэнне ў вузкім складзе. Пра гэта ў эфіры тэлеканала «Беларусь 1» расказала віцэ-прэм’ер Наталля Пяткевіч, паведамляе БелТА.

Міжурадавае пагадненне аб гандлі паслугамі і ажыццяўленні інвестыцый падпісалі ўчора ў Доме ўрада намеснік прэм’ер-міністра Беларусі Наталля Пяткевіч і дзяржаўны міністр па пытаннях знешняга гандлю Аб’яднаных Арабскіх Эміратаў Тані бен Ахмед Аль Зейудзі.

Віцэ-прэм’ер, Старшыня Савета ЕЭК Наталля Пяткевіч, выступаючы перад удзельнікамі панэльнай сесіі «Дыялог міждзяржаўных аб’яднанняў: спалучэнне эканамічных патэнцыялаў і паглыбленне гандлёва-эканамічнага супрацоўніцтва», падкрэсліла, што пазіцыя Беларусі прыхільнасці інтэграцыйнай тэматыцы пранізвае ўсю палітыку нашай краіны.

Маштабныя мерапрыемствы пройдуць на пляцоўцы Мінскага міжнароднага выставачнага цэнтра BELEXPO, што знаходзіцца на МКАД, таму ў беларускай сталіцы пару дзён будуць назірацца пробкі, паведамляе «Мінская Праўда». 

На сённяшні дзень у парадак дня пасяджэння Вышэйшага еўразійскага эканамічнага савета, якое мае адбыцца 27 чэрвеня ў Мінску, уключаны 14 пытанняў. Аб гэтым заявіла журналістам віцэ-прэм’ер Наталля Пяткевіч, якая таксама мае паўнамоцтвы прадстаўніка ад Беларусі ў Савеце ЕЭК, перадае БелТА.

Нарада віцэ-прэм’ераў дзяржаў Еўразійскага эканамічнага саюза, членаў Савета Еўразійскай эканамічнай камісіі адбылася 18 чэрвеня з удзелам старшыні Калегіі ЕЭК Бакытжана Сагінтаева, паведамілі ў прэс-службе ЕЭК. 

«На сёння можна з упэўненасцю сказаць, што чалавечы фактар з пункту гледжання ўплыву на адзнаку выключаны», — адзначыла ў размове з журналістамі намеснік Прэм’ер-міністра Наталля Пяткевіч, старшыня Дзяржаўнай камісіі па кантролі за ходам падрыхтоўкі і правядзення ўступнай кампаніі ў 2025 годзе па выніках нарады ў Прэзідэнта. «Калі прадумвалі гэтую сістэму, пакрокава прайшліся па ўсіх момантах з тым, каб немагчыма было ніяк умяшацца. Каб не маглі западозрыць, што неяк можна дамовіцца, што могуць быць нейкія злоўжыванні, што можна кагосьці «заваліць» ці, наадварот, кагосьці «падняць», — удакладніла яна.

Прэзідэнт Беларусі Аляксандр Лукашэнка 27 мая падпісаў указ № 219, якім унесены змяненні ў склад дзяржаўнай камісіі па кантролі за ходам падрыхтоўкі і правядзення ўступнай кампаніі ў 2025 годзе. Пра гэта паведамілі ў прэс-службе беларускага лідара.

На пасяджэнні Савета Еўразійскай эканамічнай камісіі, якое адбылося 23 мая ў Маскве пад старшынствам беларускага боку, удалося ўзгадніць усе пытанні па архітэктуры Еўразійскага эканамічнага форуму, які адбудзецца ў Мінску. Аб гэтым паведаміла па выніках пасяджэння намеснік прэм’ер-міністра Беларусі Наталля Пяткевіч.