Сеткавае выданне zviazda.by

Нядаўна Нацыянальным банкам былі апублікаваныя асноўныя кірункі грашова-крэдытнай палітыкі на 2026 год. Іх роля — паказаць траекторыю дзеянняў рэгулятара па дасягненні мэтавых паказчыкаў, якія прапісаны ва ўказе Прэзідэнта. Паводле прагнозу інфляцыя складзе не больш за 7 %. Пры гэтым тэмп росту інвестыцыйнага крэдытавання павінен быць больш за 13 %. Гэта толькі невялікая колькасць лічбаў з дакумента. Але што ўсё гэта азначае для простага беларуса? Разабрацца, як працуюць фінансавыя рычагі краіны, дапамог у праграме «ПраГрошы» на «Першым інфармацыйным» першы намеснік старшыні Праўлення Нацыянальнага банка Аляксандр ЯГОРАЎ.

Беларусы вельмі ашчадная нацыя. Схільнасць да накапленняў закладзена ў нас на генетычным узроўні. Не выключаю, што дзякуючы гэтай уласцівасці нацыі ўдалося выжыць і прайсці праз стагоддзі розных выпрабаванняў. Жаданне і ўменне назапашваць пацвярджаюць і статыстычныя даныя. Летась 16,6 % сваіх даходаў беларусы выкарыстоўвалі на зберажэнні і ўклады: гэта больш за 25 мільярдаў рублёў. Гэта той патэнцыял, які можна выкарыстоўваць як рэсурсную базу для маштабнай мадэрнізацыі краіны, якая неабходна. Але галоўнае пытанне, якім чынам гэтыя назапашванні грамадзян трансфармаваць у інвестыцыі, уцягнуць у эканоміку. 

Праект закона «Аб змяненні законаў па пытаннях беларускага лічбавага рубля» прыняты дэпутатамі ў першым чытанні, перадае БелТА.