Сеткавае выданне zviazda.by

Прадпрымальнікі інвестуюць у эканоміку, адкрываюць новыя працоўныя месцы, укараняюць сучасныя тэхналогіі. Дзяржава зацікаўленая ў тым, каб іх стваральная дзейнасць пашыралася і павялічвалася. Пра гэта казаў Прэзідэнт краіны на сустрэчы з прадстаўнікамі бізнесу з нагоды стымулявання развіцця прадпрымальніцкага сектара эканомікі. Вельмі важна ствараць спрыяльнае дзелавое асяроддзе, але трэба, каб і бізнес быў празрыстым, прыносіў карысць краіне, падкрэсліў кіраўнік дзяржавы.

Указ, якім прадугледжваецца будаўніцтва ў 2025–2027 гадах Нацыянальнага гістарычнага музея Беларусі, парку Народнага адзінства і стварэнне пастаяннай экспазіцыі музея ў раёне вуліцы Арлоўскай у Мінску, быў падпісаны Прэзідэнтам Беларусі 5 лютага. Таксама музею прысвоены статус Усебеларускай маладзёжнай будоўлі. А значыць, удзел у ёй могуць узяць маладыя людзі ва ўзросце да 31 года, у тым ліку ў складзе студэнцкіх атрадаў.

Тэма добраўпарадкавання стала галоўнай на нядаўнім пашыраным пасяджэнні Прэзідыума Савета Рэспублікі. На ім абмяркоўвалася роля дэпутацкага корпуса ў рэалізацыі задач, пастаўленых кіраўніком дзяржавы, па навядзенні парадку на зямлі і ўладкаванні тэрыторый. Старшыня Савета Рэспублікі Наталля Качанава адзначыла: «Асаблівую ўвагу дэпутацкаму корпусу трэба ўдзяліць мясцовым ініцыятывам па добраўпарадкаванні. Уцягванне грамадзян у гэты працэс — адна з найважнейшых задач мясцовых Саветаў. Неабходна падтрымліваць і заахвочваць грамадзянскія ініцыятывы, ствараць умовы для актыўнага ўдзелу насельніцтва ў навядзенні парадку як на асобна ўзятых прыдамавых тэрыторыях, так і ў цэлым у сёлах, гарадах, раёнах». Карэспандэнты «МС» пацікавіліся на месцах, якія грамадзянскія ініцыятывы мяркуецца рэалізаваць у Год добраўпарадкавання.

Сустрэча ў фармаце пасяджэння рабочай групы прайшла ўпершыню. Удзельнікі пасяджэння абмеркавалі актуальныя пытанні, якія датычацца маладзёжнай палітыкі, развіцця ініцыятыў і праектаў, накіраваных на падтрымку маладых людзей у розных сферах жыцця. Старшыні маладзёжных саветаў і парламентаў падзяліліся гісторыяй развіцця свайго органа, расказалі аб яго структуры, складзе, аб асноўных мерапрыемствах і ініцыятывах, якія рэалізуюцца ў тым ці іншым рэгіёне.

Стварэнне камфортнага асяроддзя ў вялікіх гарадах і малых населеных пунктах сёння ў ліку ключавых задач, якія стаяць перад краінай. І тут важны ўнёсак кожнага: органаў дзяржаўнай улады, прадпрыемстваў усіх формаў уласнасці, грамадзян. Але «галоўныя героі» пяцігодкі добраўпарадкавання — службы жыллёва-камунальнай гаспадаркі.

Начальнік упраўлення гарадской гаспадаркі і энергетыкі Мінгарвыканкама Аляксандр Ракаўшчык расказаў, якія «дробязі» ў эстэтыцы Мінска выправяць у Год добраўпарадкавання.

Рэспубліканскі штаб для аналізу мерапрыемстваў рэспубліканскага плана Года добраўпарадкавання будзе створаны ў Беларусі. Аб гэтым расказала начальнік упраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Таццяна Жалязнова, паведамляе БелТА.

Даступнасць жылля — гэта вельмі актуальнае пытанне. «Менавіта таму ўрад ужо прарабіў пэўную работу. Ужо цяпер прыярытэты па жыллёвым будаўніцтве крыху ссоўваюцца. Значна больш сур’ёзная роля адводзіцца будаўніцтву арэнднага жылля, мы працягваем развіваць гэты кірунак, што адлюстравана ў стратэгіі развіцця», — падкрэсліў у эфіры «Першага інфармацыйнага» тэлеканала міністр архітэктуры і будаўніцтва Беларусі Руслан Пархамовіч.

Пасяджэнне выніковай калегіі Міністэрства транспарту і камунікацый прайшло пад старшынствам міністра Аляксея Ляхновіча. У мерапрыемстве прыняў удзел намеснік прэм’ер-міністра Анатоль Сівак, прадстаўнікі міністэрстваў і ведамстваў, рэспубліканскіх і мясцовых органаў дзяржаўнай улады, кіраўнікі прадпрыемстваў, паведамілі ў прэс-службе ведамства.