Сеткавае выданне zviazda.by

13–14 студзеня ўпадабанае беларусамі свята праходзіць у Наваполацку, сабраўшы на 16 гарадскіх пляцоўках цікавыя выстаўкі, важныя сустрэчы і атмасферу адзінства.

Крыху больш за два тыдні застаецца да важнага і адказнага кроку ў жыцці кожнага з нас — да выбараў Прэзідэнта Рэспублікі Беларусь. Наш голас, аддадзены за аднаго з кандыдатаў, вызначыць маршрут краіны на бліжэйшыя пяць гадоў. Таму так важна рабіць яго ўзважана, асэнсавана і адказна. Чым будуць кіравацца ў гэтым пытанні прадстаўнікі маладога пакалення беларусаў, даведаліся нашы карэспандэнты.

Ушаноўванне ў першыя дні новага года лаўрэатаў прэміі «За духоўнае адраджэнне» стала традыцыяй суверэннай Беларусі

У кожнага чалавека ад нараджэння ёсць свае таленты. Хтосьці ўдала спявае, валодае пластыкай або хутка вырашае самыя складаныя матэматычныя задачы. Талент Вадзіма Сакратарова з Віцебскага раёна — пераўтварацца ў галоўнага навагодняга чараўніка, ды так, што часам сябры і калегі не могуць адрозніць яго ад казачнага персанажа.

З даўніх часоў за навагоднім сталом замацаваўся шэраг традыцыйных страў, без якіх Новы год ужо не ўспрымаецца як самае доўгачаканае зімняе свята. Акрамя класічных мандарынаў і ананасаў, на стале амаль кожнай сярэднестатыстычнай сям’і абавязкова прысутнічаюць салаты «Аліўе», «Селядзец пад футрам» і заліўное. Мы даведаліся, адкуль пайшлі гэтыя кулінарныя вынаходкі, якія ўжо можна смела лічыць стравамі народнай кухні.

13 снежня ў Віцебску загарэўся гандлёвы цэнтр. Пажару такога маштабу ў рэгіёне ніхто не памятае. На шчасце, дзякуючы зладжаным дзеянням супрацоўнікаў МНС, абышлося без чалавечых ахвяр. А некалькі канкрэтных ратавальнікаў за лічаныя дні сталі народнымі героямі. З адным з іх — майстрам-ратавальнікам пажарнай аварыйна-ратавальнай часці № 1 Віцебскага гарадскога аддзела МНС Канстанцінам Гіркалам — мы пагаварылі аб прафесійным шляху і марах.

«Мы будзем усё рабіць для дзяцей, бо дзеці — гэта галоўнае», — сказаў Прэзідэнт Беларусі Аляксандр Лукашэнка напярэдадні Новага года, падчас наведвання Мінскай абласной дзіцячай клінічнай бальніцы. Незабыўныя ўражанні і станоўчыя эмоцыі ў той дзень, напэўна, сталі найлепшымі лекамі для маленькіх пацыентаў. А ў святочную ноч у нашай краіне нарадзіліся новыя маленькія беларусы, і ўчора іх матуль ад імя Прэзідэнта віншавалі высокія дзяржаўныя асобы — што стала лагічным працягам і найлепшым пацвярджэннем нашай унутранай палітыкі і прамоўленых кіраўніком краіны слоў.

Пераднавагоднія дні — добрая магчымасць ахінуць клопатам і ўвагай тых, хто так мае ў гэтым патрэбу: дзетак, якія засталіся без апекі родных бацькоў, бабуль і дзядуль, якім таксама часам не хапае простай душэўнай цеплыні. Дабрачынныя акцыі «Нашы дзеці» і «Ад усёй душы», якія не першы год праводзяцца па ініцыятыве і пад патранатам Прэзідэнта Беларусі, шырока крочаць па ўсіх раёнах краіны. Маленькіх і сталых жыхароў Полацка прыехала павіншаваць Старшыня Савета Рэспублікі Наталля Качанава.

На пачатку Вялікай Айчыннай вайны ў баях пад Оршай і Рудняй Смаленскай вобласці ўпершыню былі выкарыстаны рэактыўныя ўстаноўкі БМ-13 — легендарныя «Кацюшы». У акупаваным горадзе змагаліся з ворагам больш за дваццаць груп падпольшчыкаў, у ліку іх — група пад кіраўніцтвам Канстанціна Заслонава, якая дзейнічала на чыгуначным вузле. 27 чэрвеня 1944 года ў ходзе Віцебска-Аршанскай аперацыі горад быў вызвалены ад нямецка-фашысцкіх захопнікаў, а доўгачаканых вызваліцеляў сустракалі на руінах тры тысячы аршанцаў. Дзякуючы гераізму і мужнасці савецкіх байцоў, 37 тысяч з якіх знайшлі вечны прытулак на аршанскай зямлі, Орша стала адным з трох беларускіх гарадоў, узнагароджаных ордэнам Айчыннай вайны І ступені.

За гады Вялікай Айчыннай вайны на тэрыторыі Гарадоцкага раёна Віцебскай вобласці фашысты знішчылі больш за 11 900 савецкіх грамадзян, на франтах і ў партызанскай барацьбе загінулі каля 7000 нашых землякоў. На тэрыторыі раёна пахаваны каля 19 000 воінаў і партызан, спалены 183 вёскі, з іх 35 не адрадзіліся. Вырашальнай на шляху да вызвалення стала Гарадоцкая наступальная аперацыя.