Сеткавае выданне zviazda.by

Крычаў яшчэ на мінулым тыдні распачаў шэраг святкаванняў, прысвечаных чарговай гадавіне вызвалення раёна ад нямецка-фашысцкіх захопнікаў і Дню горада. А ў гэту суботу ён стане цэнтрам прыцягнення для аграрыяў з усёй Магілёўшчыны — сталіцай абласнога фестывалю-кірмашу працаўнікоў вёскі «Дажынкі-2025». Пра тое, што зроблена ў ходзе падрыхтоўкі да свят, а таксама аб тым, чым горад прывабны для бізнесу і жыцця, — у размове карэспандэнта «Звязды» са старшынёй Крычаўскага райвыканкама Аляксеем Шараем.

Летнюю аздараўленчую кампанію санаторыі Беларусі адпрацавалі з максімальнай загрузкай. У чэрвені—жніўні ў іх прайшлі аздараўленне і лячэнне больш як 600 тысяч чалавек. Пры гэтым дастаткова ахвотных адпачыць і ў асенне-зімовы перыяд. На кастрычнік у здраўніцах ужо практычна няма свабодных месцаў — забраніравана больш за 94 %, на лістапад занята 77 %, на снежань — 46 %, на студзень — больш за 44 %. Традыцыйна шмат прыхільнікаў сустрэць у санаторыі Новы год — на галоўныя зімовыя святы ўжо забраніравана 83 % месцаў.

Захваральнасць на вострыя рэспіраторныя інфекцыі цяпер знаходзіцца на ўзроўні сярэдніх шматгадовых даных. Аднак у далейшым спецыялісты прагназуюць сезоннае яе павышэнне. У прыватнасці, у канцы студзеня — пачатку лютага традыцыйна чакаецца хваля грыпу. Таму ў найбліжэйшыя два месяцы эпідэміёлагі рэкамендуюць зрабіць прышчэпкі як ад грыпу, так і ад каранавіруснай інфекцыі.

На нядаўняй Генеральнай асамблеі Міжнароднага паралімпійскага камітэта (МПК), якая праходзіла ў Сеуле, было зацверджана паўнавартаснае аднаўленне членства Паралімпійскага камітэта Беларусі. Што стаіць за гэтымі прыгожымі афіцыйнымі фармуліроўкамі? Самае галоўнае — тое, што беларускія спартсмены зноў будуць выступаць з нацыянальным сцягам, у гонар іх перамог будзе гучаць беларускі гімн, больш ніякага нейтральнага статусу. Таксама да Паралімпійскага камітэта Беларусі вяртаецца права голасу на выбарных мерапрыемствах МПК, нашы дэлегаты могуць удзельнічаць у абмеркаванні і прадстаўляць уласныя прапановы на разгляд.

У Беларусі адміністрацыйныя працэдуры пройдуць аптымізацыю. Пытанні ўдасканалення сферы ажыццяўлення адміністрацыйных працэдур і функцыянавання службы «Адно акно» абмеркавалі на пасяджэнні калегіі Міністэрства юстыцыі, паведамілі ў прэс-службе Мінюста.

Не дапусціць крыміналізацыі бізнесу праз нелегальны абарот разлічваюць будучыя ўдзельнікі XIII Міжнароднага форуму «Антыкантрафакт-2025», які пройдзе ў Мінску 6–7 кастрычніка

Мабільныя датчыкі кантролю хуткасці працуюць на 11 участках дарог Мінска, паведамілі ва УДАІ ГУУС Мінскага гарвыканкама.