Навiны
Еўрадэпутат: «Мы б вельмі хацелі нармалізацыі адносін»
Дэпутаты Палаты прадстаўнікоў сустрэліся з дэпутатамі Еўрапарламента. Беларускія парламентарыі запрасілі сваіх еўрапейскіх калег у нашу краіну, каб найперш паказаць, што такое Беларусь, паказаць праўду. Дэпутаты з Чэхіі і Славакіі самі ўпэўнілся, што беларусы выступаюць за паважлівае і раўнапраўнае супрацоўніцтва з іншымі краінамі, пераканаліся, што беларусы не рыхтуюцца да вайны і не збіраюцца ні на каго нападаць, але і ў крыўду сябе не дадуць.
У Беларусі з’явіўся новы тэлеканал па аўтамабільнай тэматыцы
Нацыянальны аператар сувязі «Белтэлекам» з 4 чэрвеня запусціў у Беларусі новы тэлеканал у тэставым рэжыме. Як доўга будзе доўжыцца трансляцыя, паведамляе «Мінская Праўда».
Надвор'е: да 32°C з залевамі і градам
«З пачаткам каляндарнага лета надвор’е вырашыла ўзяць курс на пацяпленне і не азірацца на халодны май. Чэрвеньскае сонца ўсяляк спрабуе кампенсаваць недахоп цяпла», — распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чым парадуе фестываль «Маладзечна-2025»?
Завяршаецца падрыхтоўка да XXІV Нацыянальнага фестывалю беларускай песні і паэзіі «Маладзечна-2025». Найбуйнейшы музычны форум нашай краіны пройдзе 13 і 14 чэрвеня, аднак мерапрыемствы ў горадзе стартуюць ужо 10-га. Па традыцыі асноўныя падзеі — Нацыянальны конкурс маладых выканаўцаў беларускай эстраднай песні і канцэрты адкрыцця і закрыцця фестывалю — пройдуць на галоўных сцэнічных пляцоўках Маладзечна. Акрамя гэтага запланавана яшчэ шмат цікавага. Карэспандэнт «Звязды» даведалася падрабязнасці.
У якіх сферах Беларусь і Кітай карысныя адно аднаму?
Падчас візіту Прэзідэнта Беларусі ў Кітай абмяркоўваліся розныя тэмы нашага супрацоўніцтва. Але асноўнай беларускі лідар назваў тэхнічную мадэрнізацыю — тое, без чаго немагчыма ўявіць нармальнае развіццё сучаснай дзяржавы. Аляксандр Лукашэнка часта нагадвае пра тое, што вытворчасць і прадпрыемствы павінны развівацца, удасканальвацца для таго, каб быць канкурэнтаздольнымі на рынках. Таму гэты візіт Прэзідэнта Беларусі ў Кітайскую Народную Рэспубліку адкрывае новыя перспектывы. Пэўныя напрацоўкі за гады супрацоўніцтва Беларусі і Кітая ўжо ёсць. Але, як вядома, сутнасць беларуска-кітайскіх адносін у пастаянным прагрэсе. Тым больш што 2024-ы і 2025-ы аб’яўлены гадамі супрацоўніцтва Беларусі і КНР у галіне навукі, тэхналогій і інавацый.
Што змянілася ў аздараўленні і санаторна-курортным лячэнні?
З мая ўзмоцнена сацыяльная падтрымка некаторых уразлівых катэгорый насельніцтва. Змяненні датычацца аздараўлення і санаторна-курортнага лячэння. Цяпер, напрыклад, бясплатна яго могуць праходзіць беларусы, якія ваявалі ў Афганістане, а таксама былыя вязні фашызму. Некаторыя катэгорыі могуць скарыстацца кампенсацыяй, калі не пройдуць аздараўленне. Расказваем, што змянілася.
Бізнес любіць канфідэнцыяльнасць, а Беларусь для асабістых перагавораў — цалкам прыдатнае месца
У мінулым дзесяцігоддзі, калі глабалізацыя і еўрапейскі капітал усё больш шчыльна пранікалі ў краіны СНД, у Беларусі лунала ідэя развіваць дзелавы турызм. Грэх было не выкарыстоўваць наша выгаднае геаграфічнае становішча для сустрэч дзелавых колаў Усходу і Захаду. Пры дастаткова добрай і якаснай інфраструктуры правядзенне розных семінараў, карпаратыўных нарад і іншых мерапрыемстваў абыходзілася ў Мінску танней, чым у Маскве ці Берліне.
Начальнік Акадэміі МУС адкажа на пытанні
11 чэрвеня 2025 года прамую тэлефонную лінію правядзе начальнік установы адукацыі «Акадэмія Міністэрства ўнутраных спраў Рэспублікі Беларусь» генерал-маёр міліцыі Аляксандр Вячаслававіч АСТРЭЙКА.
Тры навінкі на рынку СНД экспануе на «Белагра-2025» холдынг «Лідсельмаш»
На 35-й міжнароднай спецыялізаванай выстаўцы «Белагра-2025» холдынг «Лідсельмаш» прадстаўлены шасцю адзінкамі тэхнікі, тры з якіх з’яўляюцца навінкамі не толькі на беларускім рынку, але і на рынку СНД. Эксклюзіўныя распрацоўкі сельгасмашынабудаўнікоў пералічыў начальнік аддзела продажаў Дзмітрый Віршыла, паведамляе БелТА.
У Гомелі адбудзецца фестываль кнігі
6 чэрвеня ў горадзе над Сожам пройдзе фестываль кнігі #Чытай Гомель. Арганізатар — Гомельская абласная бібліятэка.