Сеткавае выданне zviazda.by

З-за неспрыяльных умоў надвор’я выстаўка на Кургане Славы перанесена на 27 ліпеня. Аб гэтым паведамляе БелТА са спасылкай на прэс-службу Мінскага аблвыканкама. 

Другая сусветная вайна — рана, якая да сёння крывавіць у нашай памяці. І, на жаль, знаходзяцца тыя, хто спрабуе нашу рану расцерабіць праз перайначванне гісторыі дзеля сваіх мэтаў. Але ці магчыма перапісаць мінулае? І хто, уласна, гэтым займаецца? У Мінску ўдзельнікі мерапрыемства пад назвай «Фальсіфікацыя гісторыі: хто стаіць за скажэннем фактаў пра Другую сусветную вайну?» абмеркавалі прычыны і наступствы скажэння гістарычных падзей і прэзентавалі манаграфію «Гістарычны падлог: хто і як скажае праўду пра Другую сусветную вайну».

Наспела неабходнасць падпісання дакументаў аб стратэгічным партнёрстве паміж Узбекістанам і Беларуссю. Аб гэтым заявіў прэм’ер-міністр Беларусі Аляксандр Турчын на сустрэчы з прэм’ер-міністрам Узбекістана Абдулой Арыпавым, якая адбылася на палях Міжнароднай экалагічнай канферэнцыі, што праходзіць у Рэспубліцы Алтай, паведамляе БелТА.

Урад зацвердзіў парадак і ўмовы пастаўкі плодаагародніннай прадукцыі са стабілізацыйных фондаў тавараў для рэспубліканскіх дзяржаўных патрэб. Гэта прадугледжана пастановай Савета Міністраў нумар 399 ад 22 ліпеня 2025 года, якая афіцыйна апублікавана на Нацыянальным прававым інтэрнэт-партале, паведамляе БелТА.

Зазірнуўшы ў беларускі супермаркет, дзе на прылаўках грувасцяцца горы салямі, кумпякоў і сардэлек айчыннай вытворчасці, а ў малочным аддзеле і зусім вочы разбягаюцца — цудоўная смятана, ёгурты, ражанка, масла, малако — і ўсяго гэтага нярэдка дзясяткі відаў, госці нашай краіны нярэдка ўпадаюць у ступар. Айчынная харчовая прадукцыя заваявала сэрцы не толькі блізкіх суседзяў, але і людзей з далёкага замежжа. Найперш — сваёй найвышэйшай якасцю.

Шматдзетны тата Віктар Шыпкоў па прафесіі старшы ўчастковы, а яшчэ ён не на жарт захапляецца фальклорам і этнаграфіяй роднага краю. Разам з сям’ёй у роднай вёсцы Маркавічы праводзіць аўтэнтычныя абрады, пляце паясы ва ўнікальнай тэхніцы і шые нацыянальнае адзенне, а яшчэ — удзельнічае ў выставах, конкурсах і фестывалях, паведамляе БелТА.

Намеснік начальніка аналітычнага ўпраўлення Міністэрства антыманапольнага рэгулявання і гандлю Настасся Касымава расказала, якія заканадаўчыя новаўвядзенні ў сістэме рэгулявання цэн дзейнічаюць у Беларусі, паведамляе БелТА.

Трэці раўнд прамых расійска-ўкраінскіх перагавораў не чакаецца лёгкім, будзе вельмі складаная размова. Пра гэта заявіў прэс-сакратар прэзідэнта Расіі Дзмітрый Пяскоў, паведамляе ТАСС.