Сеткавае выданне zviazda.by

Выстаўку «Прагулкі вакол музея» прадставіў у Літаратурным музеі Максіма Багдановіча Генадзь Чысты. Вядучы мастак Дзяржаўнага музея гісторыі беларускай літаратуры, ён прапанаваў на суд гледача акварэлі, у якіх адлюстраваў сваё бачанне мінскіх вуліц і дворыкаў, а галоўным аб’ектам яго назіранняў стала Траецкае прадмесце, у будынках якога і знаходзіцца музей гісторыі літаратуры. Пазнаёміцца з экспазіцыяй можна да 17 жніўня. 

Абвальванне моста адбылося ў Выгоніцкім раёне Бранскай вобласці, ёсць пацярпелыя. Абвальванне пацягнула ДТЗ з удзелам чыгуначнага саставу і машын. Пра гэта паведаміў губернатар рэгіёну Аляксандр Багамаз у сваім Telegram-канале, перадае ТАСС.

З Рымай Ханінавай, паэтэсай, празаікам, літаратуразнаўцам з Элісты (Расійская Федэрацыя) добра знаёмы чытач газеты «Літаратура і мастацтва». Дачка беларускага партызана Мішы Чорнага, калмыцкага паэта Міхаіла Хонінава, які за ўдзел у партызанскім руху адзначаны ордэнам Чырвонага Сцяга, кнігі якога выходзілі і на беларускай мове, Рыма Міхайлаўна робіць неверагодна шмат для захавання гістарычнай памяці пра ваеннае ліхалецце. А нядаўна Ханінаву прынялі ў Саюз пісьменнікаў Беларусі. 

Мастацкая галерэя «Універсітэт культуры» запрашае на выстаўку «Высокае неба». Праект знаёміць з работамі выкладчыкаў і студэнтаў кафедры дэкаратыўна-прыкладнога мастацтва Беларускага дзяржаўнага ўніверсітэта культуры і мастацтваў. У экспазіцыі прадстаўлены творы, выкананыя ў розных відах і тэхніках, якія адлюстроўваюць каштоўнасныя арыенціры грамадства.

Персанальная выстаўка жывапісу Рамана Коршунава «У пошуках гармоніі» працуе ў галерэі «Арт-Фабрыка» да 17 чэрвеня. У новай экспазіцыі аўтар прадставіў пейзажы і нацюрморты, створаныя ў розныя перыяды творчасці і прысвечаныя тэме роднага краю. 

Беларускія барцы грэка-рымскага стылю заваявалі сем медалёў на міжнародным турніры ва Узбекістане, паведамілі ў Міністэрстве спорту і турызму Рэспублікі Беларусь. 

Як адзначыў намеснік міністра сельскай гаспадаркі і харчавання Уладзімір Гракун, сёлета Беларускі аграпрамысловы тыдзень, у рамках якога пройдзе 35-я Міжнародная спецыялізаваная выстава «Белагра-2025», будзе праходзіць з 3 да 7 чэрвеня.

На ўзроўні афіцыйных дэлегацый у 35-й міжнароднай спецыялізаванай выставе «Белагра» запланаваны ўдзел больш як 20 краін, ёсць і тыя, хто прадставяць свае дасягненні ў аграрнай сферы і пазнаёмяцца з поспехамі беларускай сельскай гаспадаркі ўпершыню, — такіх будзе сем. У дэталях аб удзельніках «Белагра-2025» расказаў намеснік міністра сельскай гаспадаркі і харчавання Уладзімір Гракун.