Навiны
Генпракурор: расследаванне крымінальнай справы аб генацыдзе беларускага народа працягваецца
На сумесным пасяджэнні Палаты прадстаўнікоў і Савета Рэспублікі аб стане спраў дакладваў генеральны пракурор Андрэй Швед. Адкрываючы сумеснае пасяджэнне, Старшыня Палаты прадстаўнікоў Ігар Сергяенка адзначыў: «У бягучым годзе наша краіна адзначае знакавую падзею — 80-ю гадавіну Перамогі савецкага народа ў Вялікай Айчыннай вайне. Генеральная пракуратура ўносіць важкі ўклад у захаванне гістарычнай памяці аб подзвігу нашых продкаў, у работу па процідзеянні экстрэмізму і нацызму. Вядзецца расследаванне крымінальнай справы аб генацыдзе беларускага народа. Выяўлены многія факты, якія паказваюць, што маштаб трагедыі ад зверстваў фашыстаў значна большы, чым можна было ўявіць». Факталагічныя матэрыялы, атрыманыя падчас расследаванняў крымінальнай справы, леглі ў аснову шэрагу падрыхтаваных Генеральнай пракуратурай інфармацыйных праектаў, выданняў і фільмаў, падкрэсліў спікер. «Гэтыя і іншыя матэрыялы выкарыстоўваюцца дэпутацкім корпусам пры правядзенні інфармацыйна-тлумачальных мерапрыемстваў, ідэалагічнай работы з выбаршчыкамі, у першую чаргу з моладдзю», — сказаў Ігар Сергяенка.
Што трэба ведаць тым, хто рызыкуе выходзіць на лёд
Зіма ўжо адлічвае свае апошнія дзянькі, а рыбакі, можна сказаць, толькі цяпер выйшлі на лёд. Пры гэтым не ўлічваюць, што ўстойлівы мінус быў зусім непрацяглы перыяд — далёка не ўсе вадаёмы нарасцілі неабходную таўшчыню ледзянога покрыва, бяспечную для зімовай рыбалкі. Адназначна не варта разглядаць замерзлы вадаём і ў якасці катка або магчымасці скараціць шлях. Недарэмна ў народзе кажуць: паспех — людзям на смех.
Наша фінансавая адукаванасць амаль не выходзіць за рамкі рэшткавага зберажэння
Інстытут сацыялогіі НАН Беларусі правёў чарговае маштабнае даследаванне па заказе Нацбанка. Сваю работу эксперты прарабілі на аснове вялікага апытання, у якім удзельнічалі грамадзяне з усёй краіны. Гэта былі прадстаўнікі трох сацыяльных груп: моладзь, эканамічна актыўнае насельніцтва і пенсіянеры. Даследаванне выявіла, што больш за 64 % беларусаў не фіксуюць даходы і выдаткі. Яшчэ сацыёлагі пазначылі прабелы ў сферы персанальных фінансаў ва ўсіх трох групах.
Небыліцы і загадкі сабраў Анатоль Зэкаў у сваім новым зборніку
З выдавецкай анатацыі да кнігі вядомага беларускага паэта «Хто ўкраў сонца?»: «У чарговай кнізе вядомага дзіцячага пісьменніка Анатоля Зэкава змешчаны вершы, небыліцы і загадкі, якія дасціпна і з гумарам распавядаюць юным чытачам пра жыццё іх равеснікаў, навакольны свет, поўную цудаў прыроду і братоў нашых меншых». Выданне выйшла накладам у 1000 экзэмпляраў.
МАРГ працягвае вывучаць становішча спраў у гандлі
На мінулым тыдні мы пісалі пра тое, што профільнае міністэрства зазірнула ў гандлёвую сетку «Суседзі» і выявіла шэраг парушэнняў. На гэтым — МАРГ апублікаваў інфармацыю аб выніках кантрольна-аналітычных мерапрыемстваў у гандлёвай сетцы «Капеечка» і ўвагі да інтэрнэт-крамы «Вайлдберыз».
Каля 50 аперацый штодзень праводзяць у РНПЦ дзіцячай хірургіі
У год у РНПЦ дзіцячай хірургіі праходзяць лячэнне больш за сем тысяч пацыентаў, звыш пяці тысяч з іх аперыруюцца.
Якія ўмовы ствараюць для педагогаў у Беларусі?
Якія ўмовы ствараюць для педагогаў у Беларусі, расказаў міністр адукацыі Андрэй Іванец у інтэрв’ю тэлеканалу СТБ, паведамляе БелТА.
У выдавецтве «Беларусь» пабачыла свет анталогія сучаснай башкірскай паэзіі
У апошні час развіццё беларуска-башкірскіх літаратурных сувязяў набывае новы ўзровень. Ва Уфе пабывалі беларускія літаратары — першы намеснік старшыні Саюза пісьменнікаў Беларусі Алена Стэльмах, старшыня Брэсцкага абласнога аддзялення Саюза пісьменнікаў Беларусі Таццяна Дземідовіч. У Беларусь не аднойчы прыязджаў старшыня Саюза пісьменнікаў Рэспублікі Башкартастан Айгіз Баймухаметаў. А ў 2023 годзе ў Мінску і Мінскай вобласці прайшлі Дні башкірскай літаратуры ў Рэспубліцы Беларусь. Падзея мела шырокі розгалас. Паэты і празаікі Башкартастана правялі вечар башкірскай паэзіі, пабывалі ў розных бібліятэках і музеях Мінска, выступілі перад самымі рознымі аўдыторыямі. Цікавасць да гасцей, іх творчасці была непадробная, самая шчырая.
Што прапануюць замежнікам беларускія санаторыі
Штогод у Беларусь прыязджае вялікая колькасць жыхароў іншых краін не толькі для адпачынку і падарожжаў, але і для атрымання медыцынскай дапамогі. Летась Беларусь наведала больш за 160 тысяч грамадзян са 159 краін свету. Часцей за ўсё па лініі медыцынскага турызму да нас прыязджаюць грамадзяне Расіі, Кітая, Казахстана, Узбекістана, Туркменістана, Малдовы, Арменіі, Грузіі, Сірыі, Германіі, ЗША, Ізраіля, Італіі. Больш як 60 % ад усіх замежных пацыентаў прыпадае на грамадзян СНД. Рост экспарту медыцынскіх паслуг па выніках 2024 года склаў 10 %. Замежнікаў прывабліваюць не толькі цэны, але і якасць медыцынскіх паслуг. Часта пацыенты прыязджаюць на лячэнне да канкрэтных беларускіх спецыялістаў з кваліфікацыяй сусветнага ўзроўню. Чым яшчэ адметная і прывабная Беларусь для лячэння і санаторна-курортнага аздараўлення і хто ён, медыцынскі турыст, які едзе ў нашу краіну, расказалі спецыялісты.
Зарплаты медработнікаў з сярэдняй адукацыяй павялічацца
Зарплата медыцынскіх работнікаў з сярэдняй адукацыяй будзе павышацца на працягу бягучага года дзякуючы павелічэнню надбавак. 12 лютага апублікавана пастанова Міністэрства аховы здароўя Рэспублікі Беларусь № 18, вызначае надбаўкі сярэдняму медыцынскаму персаналу.