Сеткавае выданне zviazda.by

Комплекс будынкаў вінакуранага і спіртавога завода, які ўпершыню ўзгадваецца ў сярэдзіне 18 стагоддзя, уваходзіў у склад Лошыцкай сядзібы, тэрыторыя якой сёння сфарміравана як Лошыцкі сядзібна-паркавы комплекс. У цяперашні час гэта любімае месца адпачынку як у жыхароў Ленінскага раёна сталіцы, так і мінчан, гасцей краіны. З работамі па добраўпарадкаванні гісторыка-культурнага комплексу «Лошыцкі», рэалізацыяй плана па навядзенні парадку ў Мінску ў цэлым у пятніцу асабіста азнаёміўся кіраўнік дзяржавы. Будучы ў Лошыцкім парку, Аляксандр Лукашэнка трапіў на першую ў абноўленых залах цырымонію заключэння шлюбу, павіншаваў маладажонаў з гэтай важнай падзеяй у іх жыцці і ўручыў ім ключы ад арэнднай кватэры. Акрамя таго, Прэзідэнт пагутарыў з будаўнікамі, супрацоўнікамі комплексу, грамадскасцю і моладдзю сталіцы, якая да свайго дня нараджэння атрымала такі добры падарунак.

У Беларусі кожны на сваім месцы павінен рабіць усё, каб краіна развівалася і мірна жыла. Пра гэта Прэзідэнт Беларусі Аляксандр Лукашэнка заявіў падчас размовы з будаўнікамі і прадстаўнікамі грамадскасці ў рэканструяваным комплексе «Лошыцкі», паведамляе БелТА.