Сеткавае выданне zviazda.by

Больш за сто гадоў прайшло з таго часу, калі адзін Мастак стварыў карціну «Закаханыя над горадам» — пра сябе самога і жанчыну, якая ў 1915 годзе стала яго жонкай. Іх шлюб быў заключаны ў Віцебску, але такое адчуванне, што на нябёсах: амаль 30 гадоў яна была для яго той адзінай, без якой немагчымае жыццё. І больш за сто гадоў іх каханне натхняе людзей і творцаў па ўсім свеце. Гэта засведчыў перформанс, што адбыўся 13 лютага ў адной з крэатыўных прастораў сталіцы.