Сеткавае выданне zviazda.by

Якія вірусы цяпер распаўсюджаны ў Беларусі, расказала журналістам намеснік галоўнага ўрача па эпідэміялогіі Рэспубліканскага цэнтра гігіены, эпідэміялогіі і грамадскага здароўя Ала Дашкевіч, паведамляе БелТА.

Захваральнасць на вострыя рэспіраторныя інфекцыі цяпер знаходзіцца на ўзроўні сярэдніх шматгадовых даных. Аднак у далейшым спецыялісты прагназуюць сезоннае яе павышэнне. У прыватнасці, у канцы студзеня — пачатку лютага традыцыйна чакаецца хваля грыпу. Таму ў найбліжэйшыя два месяцы эпідэміёлагі рэкамендуюць зрабіць прышчэпкі як ад грыпу, так і ад каранавіруснай інфекцыі.