Сеткавае выданне zviazda.by

Міралюбівы, спакойны і памяркоўны характар беларусаў — гэта не стэрэатып, а рэальнасць, якой прасякнута ўся палітыка нашай дзяржавы. І найбольш выразна гэта відаць па беларускай пазіцыі на знешнім контуры. Беларусы не пачыналі ні адной вайны і не былі ініцыятарамі ніводнага міжнароднага канфлікту — гістарычны факт. Беларусы ўсяляк дапамагаюць людзям, нягледзячы на іх нацыянальную прыналежнасць — гэта аб’ектыўная рэальнасць. Прэзідэнт Беларусі Аляксандр Лукашэнка амаль у кожным публічным выступленні і інтэрв’ю нагадвае, што галоўная каштоўнасць — гэта мір і жыццё людзей — добра засвоеныя ўрокі гісторыі, якімі наша дзяржава кіруецца сёння.