Сеткавае выданне zviazda.by

Гродзенскі абласны цэнтр алімпійскага рэзерву па вяслярных відах спорту імя П. С. Рудзевіча знаходзіцца ў Мастах. Тут дзеці з 9 гадоў развіваюць свае навыкі ў вяслярных відах спорту пад кіраўніцтвам вопытных трэнераў. Расказваем, як у Гродзенскай вобласці рыхтуюць чэмпіёнаў.

Установа аховы здароўя «Мастоўская цэнтральная раённая бальніца» — гонар і сэрца рэгіёна, месца са слаўнай, багатай гісторыяй. Заснаваная ў далёкім 1944 годзе, сёння Мастоўская ЦРБ спецыялізуецца на аказанні якаснай кваліфікаванай, спецыялізаванай, экстраннай і планавай медыцынскай дапамогі, задавальняючы ўсе патрэбы насельніцтва раёна. Больш падрабязна пра тое, чым сёння жыве ўстанова аховы здароўя, расказала галоўны ўрач Мастоўскай ЦРБ Лілія Садохіна.

У выніку даследчай работы ў асобную электронную базу тут сабраны грунтоўны матэрыял па тэме Вялікай Айчыннай вайны. На падставе даных былі знойдзены землякі, якія раней лічыліся зніклымі без вестак. У рамках краязнаўчай дзейнасці бібліятэкай таксама выдадзена кніга з цікавымі гістарычнымі звесткамі старажытнага мясцовага храма.

У горадзе сапраўднай творчай Меккай стаў раённы Цэнтр культуры. Тут працуюць аматарскія аб’яднанні, удзельнікі якіх займаюцца разнастайнай дэкаратыўна-прыкладной дзейнасцю. Шырокай папулярнасцю карыстаецца дзіцячая школа мастацтваў, дзе займаецца амаль паўтысячы навучэнцаў. Культурная ўстанова дапамагае кожнаму не толькі развіць творчыя здольнасці, але і найперш адкрыць іх.

Незабыўны след у Мастах пакінуў абласны фестываль «Дажынкі», які адбыўся ў лістападзе мінулага года. Стан горада быў высока ацэнены кіраўніком краіны. Можна сказаць, што гарадское аблічча значна змянілася. А сёлета тут зноў ёсць нагода для гонару. Завяршаецца рэканструкцыя ўнікальнага пешаходнага маста праз Нёман — самага доўгага ў Беларусі. Аб тым, якія набыткі атрымаў горад летась і што яго чакае ў найбліжэйшы час — у інтэрв’ю са старшынёй Мастоўскага райвыканкама Андрэем Санько.