Сеткавае выданне zviazda.by

Старшыня Капачоўскага сельсавета Мсціслаўскага раёна Сяргей Фядосаў з задавальненнем праводзіць экскурсію па аб’ектах, якія за апошні час з’явіліся дзякуючы неабыякаваму стаўленню да сваёй малой радзімы жыхароў мясцовасці. Гэта і крынічка, і гульнявая пляцоўка, і паклонны крыж, і месца памяці. А колькі кветак і дрэў высаджана па ініцыятыве членаў КТГС, наогул падлічыць немагчыма. Дэпутат кажа, што аднаму чалавеку такая работа не пад сілу, але з камандай аднадумцаў можна і горы звярнуць.