Сеткавае выданне zviazda.by

Карыстальнік сеткі TіkTok выклаў ролік з вёскі Хрост Маісееўшчынскага сельскага Савета (Барысаўскі раён), дзе, па яго словах, засталося ўсяго пяць жыхароў. Ён зняў мясцовага дзядулю з лапатай у руках, які «перадае прывітанне старшыні сельсавета». Стары, якому 94 гады, прыбіраў снег і гаварыў, што рыхтуе дарогу, каб да яго на наступны дзень змагла прыехаць машына хуткай дапамогі. Аўтар, а ўслед за ім і шматлікія каментатары наракалі на тое, што жыхароў невялікай вёскі пакінулі сам-насам са снежнай бядой.