Сеткавае выданне zviazda.by

Па выніках васьмі месяцаў беларуская эканоміка працягнула рост. Дынаміка ВУП склала 101,9 %. Адбылося некаторае запаволенне ў параўнанні са студзенем — ліпенем, але нязначнае — 0,2 працэнтнага пункта. Прычым яно тлумачыцца сезонным фактарам, перш за ўсё — зрушваннем на больш познія тэрміны ўборачнай у параўнанні з мінулым годам. Да таго ж жнівень традыцыйна з’яўляецца часам вялікіх водпускаў — і ў Беларусі, і ў нашых ключавых партнёраў па ЕАЭС. Адпаведна дзелавая актыўнасць у цэлым запавольваецца. Але ўвогуле эканоміка паказала нядрэнныя вынікі нават з улікам гэтых фактараў.