Сеткавае выданне zviazda.by

З актывам рэгіёну ў рамках калегіі камітэта ідэалагічнай работы і па справах моладзі Гомельскага аблвыканкама сустрэўся намеснік кіраўніка Адміністрацыі Прэзідэнта Беларусі Уладзімір Пярцоў. Па ацэнцы спікера, пэўныя поспехі і дасягненні ў рабоце ідэалагічнай вертыкалі Гомельшчыны па выніках мінулага года відавочныя. Тым ні менш работа ідэалагічнага кірунку ў цэлым у перадэлектаральны і электаральны час выявіла кропкі для далейшага росту.

«Я ўжо неаднойчы казаў: будучы 2025 год будзе няпростым. Не толькі таму, што разам з Расіяй нас пачалі ціснуць і душыць з усіх бакоў. Пакуль тыя тактыка і стратэгія, якія мы вызначылі, дапамагаюць нам не толькі ўтрымацца на плаву, але і жыць годна».