Сеткавае выданне zviazda.by

У Нацыянальным банку ў пятніцу, 27 сакавіка, падвялі вынікі конкурсу відэаблогераў «Грошы маюць значэнне». Па традыцыі ён быў прымеркаваны да Тыдня фінансавай граматнасці дзяцей і моладзі, які праходзіў у краіне з 16 па 22 сакавіка 2026 года. Сёлета на конкурс паступіла больш за 500 відэаролікаў на тэму «Лічбавыя фінансы». Дзяўчынкі і хлопчыкі з усіх рэгіёнаў Беларусі разважалі аб лічбавым банкінгу і сучасных спосабах аплаты, штучным інтэлекце ў фінансах, лічбавай бяспецы, фінансавых тэхналогіях будучыні (блокчэйне, крыптавалютах, лічбавым рублі). Карэспандэнт «Звязды» пабывала на ўрачыстай цырымоніі ўзнагароджання пераможцаў.