Сеткавае выданне zviazda.by

Агучу адно непрыемнае назіранне. Досыць часта (усё роўна дзе: на вуліцы, у транспарце, ва ўстановах грамадскага харчавання) можна пачуць мат. Прычым нецэнзурную лексіку ўжываюць у зносінах, у размовах па тэлефоне не толькі дарослыя, але і моладзь, падлеткі, нават малалетнія дзеці. Часам ствараецца ўражанне, што людзі забыліся, што такое культура мовы, забыліся на ўвесь слоўнікавы запас, каб культурна выказаць свае погляды ці эмоцыі. Бо ўзровень ужывання мата ў грамадстве — гэта паказчык яго развіцця і адукаванасці. Дык чаму ж у нас так шмат нецэнзурнай лексікі і як з ёй наогул змагацца?