Сеткавае выданне zviazda.by

Кожны год у рамках Мінскай міжнароднай кніжнай выстаўкі-кірмашу праходзіць сімпозіум літаратараў «Пісьменнік і час», які збірае публіцыстаў, паэтаў, празаікаў, крытыкаў, прадстаўнікоў улады і творчай інтэлігенцыі. Калі кніжная выстаўка дае магчымасць паказаць навінкі, наладзіць сустрэчы з чытачамі, то сімпозіум — месца, дзе ўздымаюцца праблемныя пытанні. Для літаратараў гэта выдатная магчымасць пагаварыць пра тое, як мяняецца грамадства і якую ролю на пэўным гістарычным этапе павінны адыгрываць пісьменнікі, як ім лепш узаемадзейнічаць з чытацкай аўдыторыяй.