Навiны
Па ўсёй Беларусі 22 сакавіка прайшлі мерапрыемствы каля мемарыялаў жыхарам спаленых вёсак
У гэты дзень Вахты Памяці прайшлі каля мемарыялаў жыхарам і іншых спаленых вёсак. Так, у Барысаўскім раёне землякі збіраліся ля брацкіх магіл мірных жыхароў вёсак Скупліна і Лісіна, у аграгарадку Мсціж — ля помніка партызанам — работнікам калгаса імя Леніна, па-зверску закатаваным фашыстамі 4 кастрычніка 1942 года. Шанавалі памяць мірных жыхароў вёсак Іканы, Пустамсціж і Гарэлы Луг, спаленых і расстраляных фашыстамі 28 мая 1943 года і інш. У Вілейскім раёне моладзь, прадстаўнікі ўлады і сілавых структур, грамадскіх аб’яднанняў, кіраўнікі арганізацый і ўстаноў, ідэалагічны актыў збіраліся ў мемарыяльным комплексе «Месца спаленай вёскі Любча».
У Капыльскім раёне мерапрыемствы прайшлі па пяці такіх адрасах: ля помнікаў ахвярам фашызму ў вёсцы Жаўлкі, Рулева, Калодзежнае, Масевічы і Вялікія Прусы. У Мядзельскім раёне ўспомнілі загінуўшых жыхароў вёскі Новікі, а ў Пухавіцкім усклалі кветкі да брацкай магілы ахвяр вайны ў вёсцы Прыстань. У Чэрвеньскім раёне памятныя мерапрыемствы прайшлі ў мемарыяльным комплексе «Папова Града».
