Сеткавае выданне zviazda.by

Кожнае 31 снежня нехта ідзе ў лазню, а мы рэжам тазік «аліўе» і прыкладна столькі ж «селядца пад футрам». Гэта галоўныя навагоднія салаты, і яны павінны быць дасканалымі, ідэальнымі і проста вельмі смачнымі. Пажадана, кожны год рознымі, але ў той жа час — вядомымі і звыклымі. Аднак будзем шчырымі: штосьці ў традыцыях навагодняй гатоўкі мяняецца. Сённяшнія гаспадыні не жадаюць з раніцы і да бою курантаў шчыраваць на кухні, і тут на выручку прыходзяць розныя памочнікі. Дык як жа зрабіць святочны стол з класічнымі стравамі смачным і неардынарным? Пра сакрэт «аліўе» і тое, як не патраціць на гатаванне ўвесь дзень, расказалі эксперты.