«Дзеянні з боку Польшчы па закрыцці мяжы, вядома ж, носяць вельмі недружалюбны характар, арыентаваны на тое, каб эскалаваць сітуацыю ва Усходняй Еўропе. Зразумела, што Варшава гэта робіць не самастойна, па ўказанні Бруселя, у першую чаргу камандавання і кіраўніцтва НАТА. Гэта прывядзе да наступстваў палітычнага, эканамічнага, фінансавага характару», — адзначыў эксперт.

Ён акцэнтаваў увагу на тым, што для Польшчы транзіт па яе тэрыторыі прыносіць добры прыбытак. Яго перакрыццё прывядзе да каласальнага ўрону для бюджэту краіны. «Але якія мэты тады мае Польшча ў гэтых умовах? Зразумела, што гэтыя мэты ніяк не звязаны з нацыянальнымі інтарэсамі, з інтарэсамі польскага народа. Польскае кіраўніцтва выконвае ўказанні не толькі НАТА, але і англасаксонскіх колаў палітычных, гэта значыць Лондана і Вашынгтона», — заўважыў аналітык.

Ён агучыў меркаванне некаторых экспертаў, якія гавораць, што такое рашэнне — удар непасрэдна па Беларусі. «Насамрэч гэта, хутчэй за ўсё, удар па наогул той стратэгіі, якую выбудоўваў Кітай доўгі час — па наладжванні транзіту сваіх тавараў на рынак Еўропы. У большай ступені гэта ўдар па Кітаю — для таго, каб тавары кітайскія любым транспартам не дастаўляліся ў Еўропу. Цяпер за еўрапейскі рынак ваююць найбуйнейшыя карпарацыі, у першую чаргу англасаксонскія. Такое рашэнне Польшчы выклікана, безумоўна, інтарэсамі гэтых найбуйнейшых заходніх карпарацый», — сказаў Аляксей Аўдонін.