Міністр сельскай гаспадаркі, рыбалоўства і лясной гаспадаркі Аўстраліі Джулі Колінз заявіла, што тэсціраванне пацвердзіла наяўнасць птушынага грыпу H5N1 у мёртвых птушак. Паводле яе, гэта першы пацьверджаны выпадак масавай гібелі. Яшчэ ў 35 крачак таксама зафіксаваны вірус.

«Аўстралійцам варта чакаць больш шырокага распаўсюджвання і павелічэння колькасці пацярпелых дзікіх жывёл», — папярэдзіла Колінз. Яна дадала, што ў краіне зарэгістравана ўжо 74 пацверджаныя выпадкі захворвання, у тым ліку ў Паўднёвай Аўстраліі, Заходняй Аўстраліі і Квінслендзе.

Аднак пакуль няма ніякіх доказаў наяўнасці віруса на аўстралійскіх фермах, многія з якіх былі зачыненыя на каранцін для абароны птушкагадоўчых гаспадарак з моманту яго першага выяўлення ў чэрвені.

У апошнія гады вірус птушынага грыпу H5N1 знішчыў сотні мільёнаў птушак і млекакормячых у свеце, прычыніўшы птушкагадоўцам мільярдныя страты, заразіўшы буйную рагатую жывёлу і запаланіўшы пляжы трупамі птушак і цюленяў. Вірус можа перадавацца людзям, якія кантактуюць з заражанымі жывёламі, аднак колькасць выпадкаў захворвання ў свеце невялікая і, па словах афіцыйных асоб, рызыка для людзей нізкая.