Аднаразовая матэрыяльная дапамога будзе выплачана з 4 па 8 мая: інвалідам і ўдзельнікам Вялікай Айчыннай вайны яна складзе 5 тыс. рублёў, іншым катэгорыям ветэранаў — 2,5 тыс. рублёў, тым, хто пацярпеў ад наступстваў вайны, — 1,5 тыс. рублёў.

«Усе ветэраны, якія маюць патрэбу ў доглядзе, і пацярпелыя ад вайны ахоплены рознымі формамі дапамогі. Так, больш як 70 чалавек атрымліваюць дапамогу ў сацыяльных пансіянатах і бальніцах, каля 1,4 тыс. чалавек забяспечаны сацыяльнымі паслугамі дома, больш як 180 чалавек знаходзяцца пад доглядам родных з выплатай дапамогі», — праінфармавалі ў ведамстве.

Акрамя таго, да 1 красавіка поўнасцю завершаны праверкі жыллёвых умоў усіх ветэранаў і пацярпелых ад наступстваў ВАВ. Завершаны рамонт жылых памяшканняў, праверка і рамонт пячнога і газавага абсталявання, устаноўка аўтаномных пажарных апавяшчальнікаў.

«Напярэдадні Дня Перамогі ў Вялікай Айчыннай вайне Беларусь удзяляе асаблівую ўвагу клопату аб ветэранах і тых, хто пацярпеў ад наступстваў вайны. Дзяржава і грамадства аб’ядноўваюць намаганні, каб выказаць падзяку героям і забяспечыць ім дастойнае жыццё», — адзначылі ў міністэрстве.

На 1 красавіка ў краіне пражывала 574 ветэраны Вялікай Айчыннай вайны, у тым ліку 269 удзельнікаў і інвалідаў вайны, 146 працаўнікоў тылу, 156 блакаднікаў Ленінграда. Амаль 5,5 тыс. грамадзян з’яўляюцца пацярпелымі ад наступстваў вайны. Большасць з іх былыя вязні фашысцкіх канцлагераў, турмаў і іншых месцаў прымусовага ўтрымання.